Drög að reglugerð um ökuskírteini til umsagnar
Til umsagnar eru nú hjá innanríkisráðuneytinu drög að reglugerð um breytingu á reglugerð ökuskírteini. Frestur til að senda umsagnir er til og með 17. desember og skulu þær berast á netfangið [email protected].
Með þessum breytingum á reglugerð nr. 830/2011 um ökuskírteini er ætlunin að innleiða þrjár gerðir ESB. Varða þær meðal annars tæknilegar kröfur um ökuskírteini með örflögu, um flokka ökuréttinda og að nám til farþegaflutninga í atvinnuskyni megi hefja sex mánuðum áður en umsækjandi verður 20 ára sem er nú 12 mánuðum áður.