Stýrihópur Kynslóð jafnréttis fer með forystu íslenskra stjórnvalda í aðgerðabandalagi um kynbundið ofbeldi. Meginhlutverk hópsins er fylgja eftir skuldbindingum íslenskra stjórnvalda í verkefninu, samhæfa starf og forystu íslenskra stjórnvalda í aðgerðabandalaginu og undirbúa þátttöku á fundum og ráðstefnum á vettvangi Sameinuðu þjóðanna er varða verkefnið. Stýrihópurinn skal eiga víðtækt samráð við ráðuneyti og önnur stjórnvöld sem fara með málaflokka sem tengjast aðgerðum gegn kynbundnu ofbeldi og aðra haghafa á málefnasviðinu. Stýrihópurinn setji sér verkefnaáætlun þar sem nánari afmörkun komi fram um framkvæmd verkefnisins.
Íslensk stjórnvöld veita aðgerðabandalagi um kynbundið ofbeldi (e. Action Coalition on Gender Based Violence) forystu ásamt Bretlandi, Úrúgvæ, Kenía, Alþjóðaheilbrigðismálastofnuninni, UN Women, framkvæmdastjórn Evrópusambandsins, Ford Foundation og völdum alþjóðasamtökum kvennahreyfingarinnar.
- Rán Ingvarsdóttir, fulltrúi skrifstofu jafnréttis- og mannréttindamála í forsætisráðuneyti, formaður.
- Sunna Diðriksdóttir, fulltrúi skrifstofu jafnréttis- og mannréttindamála í forsætisráðuneyti.
- Sesselja Sigurðardóttir, alþjóðafulltrúi forsætisráðherra.
- Oddur Ingi Nyborg Stefánsson, sérfræðingur og fulltrúi þróunarsamvinnuskrifstofu utanríkisráðuneytis.
- Auður Edda Jökulsdóttir, sendifulltrúi og fulltrúi skrifstofu alþjóðapólitískra málefna utanríkisráðuneytis.
- Kolbrún Birna Árdal, lögfræðingur og fulltrúi skrifstofu almanna- og réttaröryggis í dómsmálaráðuneyti.
- Stella Samúelsdóttir, landsnefnd UN Women.
- Áslaug Ármannsdóttir, landsnefnd UN Women.
- Birta B. Kjerúlf, ungmennafulltrúi Íslands hjá SÞ á sviði kynjajafnréttis (Landssamband ungmennafélaga, LUF).