Skipaður 26. janúar 2024.
Umhverfis-, orku og loftslagsráðuneytið hefur ákveðið að skipa starfshóp til að skoða og gera tillögur í formi frumvarps og greinargerðar til ráðuneytisins um endurskoðun laga 48/2011, um verndar- og orkunýtingaráætlun. Hópnum ber að leggja sérstaka áherslu á að auka skilvirkni í kerfinu í heild og einföldun regluverks.
Á starfstíma hópsins er gert ráð fyrir ítarlegu samráði við fyrirtæki, stofnanir og samtök sem hafa með málefni orkunýtingar og náttúruverndar að gera, auk samtaka sveitarfélaga.
Gert er ráð fyrir að hægt verði að leggja fram frumvarp til laga á grundvelli tillagna hópsins eigi síðar en á 155. löggjafarþingi.
Starfshópurinn er þannig skipaður:
Hilmar Gunnlaugsson. hrl., formaður,
Björt Ólafsdóttir, fyrrv. ráðherra umhverfis- og auðlindamála,
Kolbeinn Óttarsson Proppé. fyrrv. alþingismaður.
Með hópnum starfa Sigríður Svana Helgadóttir og
Hafsteinn S. Hafsteinsson, lögfræðingar í umhverfis-, orku- og loftslagsráðuneytinu.