Verkefnisstjórn innanríkisráðuneytis, mennta- og menningarmálaráðuneytis og velferðarráðuneytis um vitundarvakningu um kynferðislegt ofbeldi gegn börnum hefur undirritað samning við brúðuleikarana Hallveigu Thorlacius og Helgu Arnalds um brúðuleiksýningu í 2. bekk allra grunnskóla á Íslandi.

Stofnanir sem heyra undir innanríkisráðuneytið náðu góðum árangri í valinu stofnun ársins. Kringum 50 þúsund starfsmenn á almennum og opinberum vinnumarkaði tóku þátt. Könnunin er samstarfsverkefni SFR, stéttarfélags í almannaþágu, VR, virðingar og réttlætis og Starfsmannafélag Reykjavíkurborgar var með í ár.

Fulltrúar Ásatrúarfélagsins afhentu í dag Landhelgisgæslunni tveggja milljóna króna framlag í þyrslusjóð sem stofnaður er í tilefni af 40 ára afmæli félagsins. Gjöfin var afhent um borð í varðskipinu Þór sem liggur við Faxagarð í Reykjavíkurhöfn.

Ögmundur Jónasson innanríkisráðherra flutti setningarávarp á alþjóðlegri ráðstefnu um samfélagsáföll, lýðræði og umbreytingaskeið. Ráðherra sagði að ráðstefnan væri mikilvægt innlegg í þá umræðu sem nú færi fram á Íslandi um lýðræði þar á meðal um ný drög að stjórnarskrá fyrir Ísland. Hann sagði að drög Stjórnlagaráðs væru skref í lýðræðisátt og að ýmsu leyti til framfara en gagnrýndi þau jafnframt.

Heilsu- og hvatningarátakið hjólað í vinnuna hófst í morgun. Ögmundur Jónasson innanríkisráðherra var meðal þeirra sem fluttu ávarp þegar átakinu var hleypt af stað í Fjölskyldu- og húsdýragarðinum í Laugardal í Reykjavík ásamt Katrínu Jakobsdóttur, mennta- og menningarmálaráðherra, og Svandísi Svavarsdóttur umhverfisráðherra.

Innanríkisráðuneytið hefur í bréfi til ríkislögreglustjóra farið þess á leit að embættið hlutist til um að unnt verði að bakgrunnsskoða ólögráða einstaklinga eins fljótt og unnt er. Telur ráðuneytið  ekkert því til fyrirstöðu að bakgrunnsskoða ólögráða einstaklinga að því skilyrði uppfylltu að samþykki forráðamanna liggi fyrir eftir atvikum.

Minnt er á að umsóknarfrestur vegna styrkja innanríkisráðuneytisins til mannréttindamála rennur út 8. maí. Styrkja á verkefni og starfsemi sem á einn eða annan hátt styðja við eða stuðla að vernd og virkni mannréttinda.

Fulltrúar Vegagerðarinnar og Samtaka sveitarfélaga á höfuðborgarsvæðinu skrifuðu í dag undir samkomulag um 10 ára tilraunaverkefni um eflingu almenningssamgangna á höfuðborgarsvæðinu. Tilgangur verkefnisins er að tvöfalda hlutdeild almenningssamgangna á höfuðborgarsvæðinu, lækka samgöngukostnað heimila og samfélagsins og stuðla að samdrætti í losun gróðurhúsalofttegunda.

Ríkisstjórnin samþykkti í morgun tillögu innanríkisráðherra, velferðarráðherra og utanríkisráðherra að settur verði á fót starfshópur þriggja ráðuneyta sem falið verði tvíþætt hlutverk í mannréttindamálum. Annars vegar að kortleggja mannréttindastarf íslenskrar stjórnsýslu og hins vegar að leggja fyrir ríkisstjórnina stefnu um framtíðarskipan Mannréttindadómstóls Evrópu.

Nefnd sem innanríkisráðherra skipaði síðastliðið sumar til að meta áhrif niðurskurðar fjárveitinga á starfsemi þjóðkirkjunnar og afleiðingar þess að haldið yrði áfram á þeirri braut hefur nú skilað ráðherra skýrslu sinni. Fram kemur í skýrslunni að eftir athuganir á ársreikningum sókna og af lýsingum fulltrúum sóknarnefnda sé óhætt að draga þá ályktun að grunnstoðir í starfsemi safnaða þjóðkirkjunnar séu að hruni komnar vegna fjárhagsvanda.

Aðalfundur opinbera hlutafélagsins Isavia var haldinn í gær og kom þar meðal annars fram að árið hefði einkennst af breytingum. Umferð um Keflavíkurflugvöll hefði vaxið um 18% frá fyrra ári sem styrkt hefði fjárhag félagsins en rekstur innanlandsflugs væri erfiður meðal annars vegna fjölda flugvalla og fárra farþega.

Innanríkisráðuneytið hefur nú sent sýslumönnum og utanríkisráðuneytinu kjörgögn svo hefja megi atkvæðagreiðslu utan kjörfundar hér á landi og erlendis vegna kjörs forseta Íslands sem fram á að fara 30. júní 2012. Samkvæmt lögum um kosningar til Alþingis skal atkvæðagreiðsla utan kjörfundar hefjast svo fljótt sem kostur er eftir að kjördagur hefur verið auglýstur, þó ekki fyrr en átta vikum fyrir kjördag, sem er laugardagurinn 5. maí 2012.

Ögmundur Jónasson innanríkisráðherra var ræðumaður síðastliðið mánudagskvöld á kirkjukvöldi í Sauðárkrókskirkju sem er liður í árlegri sæluviku Skagfirðinga. Á dagskrá kirkjukvöldsins var einnig söngur Kirkjukórs Sauðárkróks og Helga Rós Indriðadóttir söng einsöng við meðleik Helgu Bryndísar Magnúsdóttur.

Vegna umfjöllunar síðustu daga um öryggi við köfun og ósk Sportkafarafélags Íslands um endurskoðun laga og reglna um köfun vill innanríkisráðuneytið taka eftirfarandi fram.

Ögmundur Jónasson innanríkisráðherra, Katrín Jakobsdóttir, mennta- og menningarmálaráðherra, og Guðbjartur Hannesson velferðarráðherra undirrituðu í dag samning til þriggja ára um vitundarvakningu um kynferðislegt ofbeldi gagnvart börnum. Undirritunin fór fram við athöfn í Þjóðmenningarhúsinu í Reykjavík.

Hatursáróður var umfjöllunarefni fimmta fundarins í fundaröð innanríkisráðuneytisins um mannréttindamál í tengslum við mótun landsáætlunar í mannréttindum. Fjallað var um hatursáróður í víðu samhengi og meðal annars með hliðsjón af samfélagslegri umræðu og athugasemdum alþjóðlegra eftirlitsaðila með mannréttindaskuldbindingum.

Til umsagnar eru nú hjá innanríkisráðuneytinu drög að reglugerð um breytingu á reglugerð nr. 602/2008 um kröfur er varða verklagsreglur og flugáætlanir innan samevrópska loftrýmisins. Umsagnafrestur um drögin er til 8. maí næstkomandi og skal senda umsagnir á netfangið postur@irr.is.

Átján tillögur bárust í samkeppni um hönnun fangelsis á Hólmsheiði í Reykjavík en frestur til að skila tillögum rann út 16. apríl síðastliðinn. Dómnefnd sem skipuð var vegna samkeppninnar kom saman í dag til að hefja mat á tillögunum.

Til umsagnar eru nú hjá innanríkisráðuneytinu drög að reglugerð til breytinga á reglugerð um köfun nr. 535/2001. Umsagnafrestur um drögin er til 7. maí næstkomandi og skal senda umsagnir á netfangið postur@irr.is.

Mikilvægi innanlandsflugs var efni málþings Samband sveitarfélaga á Austurlandi og Þróunarfélags Austurlands á Egilsstöðum í dag. Ögmundur Jónasson innanríkisráðherra flutti ávarp við upphaf þingsins og sagði að framlag ríkisvaldsins til flugmála á árinu væri rúmir tveir milljarðar króna, mest í rekstur flugvalla en einnig til viðhalds og uppbyggingar og í styrki á nokkrum flugleiðum innanlands.

Samkvæmt fjárlögum ársins 2012 hefur innanríkisráðuneytið 6,2 milljónir króna til ráðstöfunar fyrir styrki til mannréttindamála. Styrkja á verkefni og starfsemi sem á einn eða annan hátt styðja við eða stuðla að vernd og virkni mannréttinda. Í ár verður sérstök áhersla lögð á að veita styrki  til verkefna sem tengjast þeim tilmælum sem fram komu til íslenskra stjórnvalda á vettvangi mannréttindaráðs Sameinuðu þjóðanna í reglubundnu eftirliti með mannréttindum á Íslandi, sem fram fór í Genf 10. október síðastliðinn.

Starfshópur sem Ögmundur Jónasson innanríkisráðherra skipaði fyrir ári í verkefni er snúa að áratug umferðaröryggis 2011 til 2020 hefur skilað ráðherra áfangaskýrslu. Hópurinn fékk það verkefni að leggja fram tillögur varðandi umferðaröryggi í tengslum við heimsátak Sameinuðu þjóðanna í umferðaröryggismálum og standa á til ársins 2020.

Framtíð og áskoranir í starfsemi Mannréttindadómstóls Evrópu eru til umræðu á fundi  dómsmálaráðherra ríkja Evrópuráðsins sem stendur nú yfir í Brighton á Englandi. Ögmundur Jónasson innanríkisráðherra situr fundinn sem Kenneth Clarke, dómsmálaráðherra Breta, stýrir en Bretar sinna nú formennsku í ráðherraráði Evrópuráðsins.

Undirbúningur fyrir forsetakosningarnar sem fram fara 30. júní næstkomandi stendur nú yfir í innanríkisráðuneytinu. Fulltrúar ráðuneytisins, formenn yfirkjörstjórna, fulltrúar sýslumanna, landskjörstjórnar og ráðgjafar sátu nýverið á fundi í ráðuneytinu þar sem farið var yfir helstu þætti undirbúningsins.

Hatursáróður verður umfjöllunarefni fimmta fundarins í fundaröð innanríkisráðuneytisins um mannréttindamál í tengslum við mótun landsáætlunar í mannréttindum. Fundurinn verður haldinn í Iðnó í Reykjavík fimmtudaginn 26. apríl klukkan 8.30 til 10.30.

Innanríkisráðuneytið óskar umsagna við tillögu þess efnis að ný viðmið taki gildi til að tryggja aðgengi að opinberum vefjum, m.a. fyrir blinda, sjónskerta og aðra sem þurfa að nota hjálpartæki við lestur efnis og notkun vefja. Í tillögunni, sem fylgir nýjum viðmiðum alþjóðlegu staðlasamtakanna W3C og kallast WCAG 2.0, er lagt til  að innleiðingu viðmiðanna hér á landi ljúki fyrir árslok 2016.    

Liðin eru 25 ár í dag frá því Flugstöð Leifs Eiríkssonar á Keflavíkurflugvelli var vígð og var afmælinu fagnað í gær. Meðal gesta voru ýmsir fyrrverandi og núverandi forráðamenn stöðvarinnar og Ögmundur Jónasson innanríkisráðherra sem flutti ávarp í hófinu.

Starfshópi um Guðmundar- og Geirfinnsmál, sem innanríkisráðherra skipaði í október á síðasta ári, hefur verið veittur frestur til að skila áfangaskýrslu. Gert var ráð fyrir að hún lægi fyrir nú í aprílmánuði.

Forráðamenn Eurocontrol, alþjóðastofnunar sem annast  flugleiðsöguþjónustu í Evrópuríkjum, heimsóttu Ísland í dag og ræddu við fulltrúa flugmálayfirvalda, Isavia og innanríkisráðherra.  Alls eru 44 ríki í Evrópu aðilar að stofnuninni sem flest eru aðilar að samtökum flugmálastjórna Evrópu.

Framkvæmdastjórn PIARC, alþjóða vegamálasambandsins, fundar á Íslandi í dag og á morgun en hlutverk hennar er meðal annars að stýra rannsóknarverkefnum sambandsins og alþjóðlegum ráðstefnum. Ögmundur Jónasson innanríkisráðherra ávarpaði fundinn við setningu hans í morgun.

Til umsagnar eru nú hjá Innanríkisráðuneytinu drög að reglugerð um breytingu á reglum um björgunar- og öryggisbúnað íslenskra skipa, nr. 189/1994, með síðari breytingum. Umsagnafrestur um drögin er til 1. maí 2012 og skal senda umsagnir á netfangið postur@irr.is.

Hvað má betur fara á vef stofnunarinnar? er heiti námskeiðs sem innanríkisráðuneytið og  Stofnun stjórnsýslufræða og stjórnmála við HÍ halda fyrir vefstjóra og umsjónarmenn opinberra vefja nú á vormánuðum. Námskeiðið er hluti af átaki sem hefur það að markmiði að bæta vefi stofnana ríkisins.

Til umsagnar eru nú hjá innanríkisráðuneytinu drög að reglugerð um fjárhagsleg viðmið og eftirlit með fjármálum sveitarfélaga. Umsagnarfrestur um drögin er til 23. apríl og skal senda umsagnir á netfangið postur@irr.is. Gert er ráð fyrir að reglugerðin taki gildi 1. maí.

Kjörtímabil forseta Íslands rennur út 31. júlí 2012. Í samræmi við lög um framboð og kjör forseta Íslands nr. 36/1945, með síðari breytingum, skal forsetakjör fyrir næsta fjögurra ára tímabil fara fram laugardaginn 30. júní 2012.

Fjallað var um ýmsar hliðar mannréttinda geðsjúkra á fjórða fundi innanríkisráðuneytisins í morgun í fundaröð um mannréttindamál sem nú stendur yfir í tengslum við mótun landsáætlunar í mannréttindum. Þrír sérfræðingar fluttu framsöguerindi og fleiri bættust síðan við í pallborðsumræðum. Rúmlega 100 manns sátu fundinn.

Fyrirhugað er að taka reglugerð (ESB) nr. 181/2011 um réttindi farþega í hópbifreiðum inn í EES-samninginn á næstunni. Af þessu tilefni óskar innanríkisráðuneytið eftir umsögnum hagsmunaaðila um efni reglugerðarinnar.

Ögmundur Jónasson innanríkisráðherra flutti ræðu við upphaf XXVI. landsþings Sambands íslenskra sveitarfélaga sem haldið var í Reykjavík í dag. Á þinginu var kastljósinu beint að íbúalýðræði, eflingu sveitarstjórnarstigsins og notendastýrðri persónulegri þjónustu, NPA.  Ráðherra lýsti ánægju með margháttað samstarf ráðuneytisins og Sambandsins í þeim mörgu málefnum sem unnið er að meðal annars til að efla sveitarstjórnarstigið.

Norrænn embættismannafundur um útlendingamál hefur staðið yfir í innanríkisráðuneytinu í dag. Fundinn sækja kringum 15 manns, fulltrúar ráðuneyta sem fara með útlendingamál, og fer Ísland með formennsku í hópnum.

Til hvers eru samgöngur? spurði Ögmundur Jónasson innanríkisráðherra þegar hann flutti ávarpsorð á ráðstefnu um skipulag og samgöngumál sem ráðuneytið stóð fyrir ásamt Vegagerðinni og Skipulagsfræðingafélagi Íslands. Málþingið stendur yfir til hádegis í dag.

Fjórði fundurinn í fundaröð innanríkisráðuneytisins um mannréttindamál í tengslum við mótun landsáætlunar í mannréttindum verður haldinn fimmtudaginn 29. mars.  Fjallað verður um mannréttindi geðsjúkra og sérstaklega litið til nauðungarvistana á grundvelli lögræðislaga.

Ögmundur Jónasson innanríkisráðherra sagði á fundi þar sem kynnt var niðurstaða rannsóknar um spilavanda meðal Íslendinga að herða verði róðurinn þeim hópi til varnar sem glímir við slíkan vanda. Hann sagði unnið að endurskoðun laga og reglugerða um spilastarfsemi og kvaðst vona að með haustinu sæi til lands í því verki.

Innanríkisráðuneytið kynnir nú drög að lagafrumvarpi þar sem lagt er til að sýslumannsembættum landsins verði fækkað úr 24 í 8. Samhliða þessu er með frumvarpi um breytingar á lögreglulögum lagt til að löggæsla verði skilin frá starfsemi sýslumanna og að stofnuð verði sex ný lögregluembætti og að þau verði alls átta.

Innanríkisráðherra Grænlands, Anton Frederiksen, bauð Ögmundi Jónassyni innanríkisráðherra og Kára Höjgaard, ráðherra sveitarstjórnarmála í Færeyjum, að vera viðstaddir fund forsvarsmanna allra sveitarfélaga á Grænlandi í vikunni. Ögmundur flutti þar ræðu þar sem hann fjallaði meðal annars um sameiningar sveitarfélaga og lýðræði í sveitarstjórnum.

Fulltrúi úr fastanefnd Íslands í Genf kynnir í dag lokaafstöðu íslenskra stjórnvalda til tilmæla sem fram komu á vettvangi mannréttindaráðs Sameinuðu þjóðanna í reglubundnu eftirliti með mannréttindum á Íslandi sem fram fór í Genf 10. október síðastliðinn. Bein útsending verður á vef mannréttindaráðsins frá kl. 13-15.

Innanríkisráðuneytið gengst fyrir hádegisfundi um spilafíkn og happdrættismál þar sem einnig verður rætt til hvaða aðgerða unnt er að grípa til að sporna við spilafíkn. Fundurinn verður haldinn í Iðnó í Reykjavík miðvikudaginn 21. mars klukkan 12 til 13.

Íslenskupróf vegna umsóknar um íslenskan ríkisborgararétt verða næst haldin á vegum Námsmatsstofnunar í maí og júní og er skráning hafin.

Ný sveitarstjórnarlög tóku gildi um síðustu áramót, nr. 138 2011. Þau gera ráð fyrir töluverðum breytingum varðandi fjármál og reikningsskil sveitarfélaga. Í gildi hafa verið ýmsar reglur og gilda áfram en sumar munu taka breytingum og settar verða nýjar.

Snúast samgöngur eingöngu um kostnað? er yfirskrift málþings um samfélagsleg áhrif skipulags samgöngukerfisins sem haldið verður í Reykjavík fimmtudaginn 22. mars. Málþingið er haldið að frumkvæði innanríkisráðherra í samstarfi við Vegagerðina og Skipulagsfræðingafélag Íslands sem hefur átt veg og vanda að undirbúningi þess.

Innanríkisráðuneytið og fjármálaráðuneytið stóðu fyrir vinnustofu um notkun opinberra aðila á tölvuskýjum 9. mars 2012. Með tilkomu tölvuskýja hefst þróun á nýju viðskiptalíkan fyrir tölvuþjónustu þar sem stefnt er að því að hægt verði að kaupa upplýsingatækniþjónustu á svipaðan hátt og rafmagn þ.e. að greitt sé í samræmi við notkun. Á vinnustofunni var rætt um tækifæri og hindranir og hvernig Norðurlöndin geta unnið saman að því að ná árangri á þessu sviði.

Velferðarráðuneytið býður til málþings næstkomandi fimmtudag í samstarfi við forsætisráðuneytið, innanríkisráðuneytið, embætti landlæknis, Mannréttindaskrifstofu Íslands, Öryrkjabandalag Íslands, Landssamtökin Þroskahjálp og Rannsóknasetur í fötlunarfræðum við Háskóla Íslands. Fjallað verður um málefni fatlaðs fólks í alþjóðlegu ljósi.

Starfshópur á vegum innanríkisráðuneytisins um neytendamál tók til starfa fyrir nokkru og hélt hann í dag sjötta fund sinn. Hlutverk hópsins er að fara yfir skipan neytendamála, hlutverk ráðuneyta, stofnana og samtaka almennings, opinbert eftirlit og verkaskiptingu þess.

Innanríkisráðherra telur engan vafa leika á því að samfélagið vilji taka höndum saman í baráttunni gegn skipulagðri glæpastarfsemi, sá vilji hafi til dæmis komið í ljós meðal þingmanna. Hann varar hins vegar við því að setja undir sama hatt vélhjólaklúbba annars vegar og skipulögð glæpasamtök hins vegar þótt í einstökum tilvikum noti skipulögð glæpasamtök vélhjól sem kennitákn.

Frummælendur á fundi um trúfrelsi á Íslandi lýstu ánægju sinni með lagafrumvarp sem snýst um  breytingar á skráningu trú- og lífsskoðunarfélaga en innanríkisráðherra mælti fyrir frumvarpinu í síðasta mánuði. Fundurinn var hinn þriðji í fundaröð innanríkisráðuneytisins um mannréttindi.

Innanríkisráðherra, ríkislögreglustjóri og fulltrúar Slysavarnarfélagsins Landsbjargar og Rauða kross Íslands undirrituðu í dag samninga vegna hjálparliðs almannavarna. Samningarnir eru gerðir með hliðsjón af 8. gr. laga um almannavarnir nr. 82/2008 þar sem kveðið er á um heimild ríkislögreglustjóra til að gera slíka samninga með samþykki ráðherra.

Ögmundur Jónasson innanríkisráðherra hefur kynnt í ríkisstjórn lagafrumvarp þar sem lagt er til að fasteignagjöld á hesthús verði færð til um flokk sem leiða myndi til lækkunar gjalda. Með lögunum er ákvarðað að hesthús falli undir flokk með íbúðarhúsum og fleiri mannvirkjum.

Ögmundur Jónasson innanríkisráðherra og fulltrúar lögreglunnar funduðu í morgun með allsherjar- og menntamálanefnd Alþingis um skipulagða glæpastarfsemi hér á landi. Lögreglan veitti nefndarmönnum ýmsar upplýsingar um mat á stöðunni og um aðgerðir.

Íslensk stjórnvöld skiluðu í gær lokaafstöðu sinni til tilmæla sem fram komu á vettvangi mannréttindaráðs Sameinuðu þjóðanna í reglubundnu eftirliti með mannréttindum á Íslandi sem fram fór í Genf 10. október síðastliðinn.

Breytingar hafa verið gerðar á skipan réttarfarsnefndar sem hefur það hlutverk að vera ráðherra til ráðgjafar á sviði réttarfars.

Innanríkisráðuneytið stendur fyrir opnum morgunverðarfundi um trúfrelsi á Íslandi miðvikudaginn 7. mars nk. kl. 8.30–10.00 á efri hæðinni í Iðnó. Þetta er þriðji fundurinn í fundaröð ráðuneytisins um mannréttindamál í tengslum við mótun landsáætlunar í mannréttindum. Fundurinn er öllum opinn og aðgangur ókeypis.

Til umsagnar eru nú hjá innanríkisráðuneytinu drög að frumvarpi að nýjum lögum um skiptileigusamninga fyrir afnot af húsnæði í orlofi eða frístundum, o.fl. Koma þau í stað laga um gerð samninga um hlutdeild í afnotarétti orlofshúsnæðis, nr. 23/1997, með síðari breytingum. Unnt er að senda athugasemdir við frumvarpsdrögin á netfangið postur@irr.is til 12. mars nk.

Dómnefnd sem fjallar um hæfni umsækjenda um embætti dómara hefur skilað innanríkisráðherra umsögn sinni um umsækjendur um tvö embætti héraðsdómara við Héraðsdóm Reykjavíkur sem auglýst voru 16. desember 2011.

Til umsagnar eru nú á vef innanríkisráðuneytisins drög að frumvarpi til breytinga á lögreglulögum nr. nr. 90/1996, með síðari breytingum. Unnt er að senda ráðuneytinu umsögn um frumvarpið í síðasta lagi föstudaginn 2. mars. Skulu umsagnir berast á netfangið postur@irr.is.

Efnhagslegur ábati af flugtengdri starfsemi á Íslandi er margháttaður. Þannig skapar atvinnugreinin alls um 20.600 störf og þjóðhagsleg áhrif á verga landsframleiðslu eru kringum 12,9%. Þetta kemur fram í nýrri skýrslu Oxford Economics um flugstarfsemi á Íslandi sem unnin var fyrir IATA, Alþjóðasamband flugfélaga.

Ögmundur Jónasson innanríkisráðherra ávarpaði ráðstefnu um upplýsingaöryggi í dag sem haldin var á vegum Capacent og Promennt. Var þar fjallað um ýmsar ógnir sem steðjað geta að upplýsingakerfum svo sem með rafrænni auðkenningu og um áhrif tölvuskýja á upplýsingaöryggi.

Drög að frumvarpi til laga um breytingu á lögum um greiðslu ríkissjóðs á bótum til þolenda afbrota, nr. 69 10. mars 1995, með síðari breytingum eru nú til umsagnar hjá innanríkisráðuneytinu. Með því er meðal annars leitast við að bæta stöðu þolenda kynferðisbrota með því að hækka hámarksgreiðslu miskabóta á grundvelli laganna. Frestur til að senda umsagnir er til föstudagsins 2. mars og skulu þær berast á netfangið postur@irr.is.

Unnið er að því á vegum innanríkisráðuneytisisins að taka afstöðu til þeirra athugasemda sem komu fram á vettvangi mannréttindaráðs Sameinuðu þjóðanna í reglubundnu eftirliti með mannréttindum á Íslandi sem fram fór í Genf 10. október síðastliðinn. Ráðuneytið fagnar umfjöllun um niðurstöðurnar og hefur nú fjögur ár til að hrinda í framkvæmd þeim umbótum sem ráðist verður í.

Sérstök umræða um framtíð innanlandsflugs á Íslandi fór fram á Alþingi í dag. Einar K. Guðfinnsson var málshefjandi og sagði hann ríkja óvissu um stöðu innanlandsflugs meðal annars vegna umræðna um framtíð Reykjavíkurflugvöll. Einnig taldi hann að hækkanir gjalda á umferð um flugvelli valda mjög auknum byrðum á innanlandsflug og farþega þess.

Ögmundur Jónasson innanríkisráðherra mun á þingfundi á morgun mæla fyrir lagafrumvarpi um breytingu á lögum um skráð trúfélög, nr. 108/1999 með síðari breytingum. Drög að frumvarpinu voru birt á vef ráðuneytisins í nóvember og gefinn tveggja vikna frestur til umsagna. Bárust nokkrar umsagnir á þeim tíma.

Einn-einn-tveir dagurinn var haldinn víða um land síðastliðinn laugardag en markmið dagsins er að kynna neyðarnúmerið og þá margvíslegu aðstoð sem almenningur hefur aðgang að í gegnum það. Ögmundur Jónasson innanríkisráðherra flutti ávarp við athöfn í Smáralind í Kópavogi þar sem veittar voru viðurkenningar.

Á málþingi á Akureyri í dag kom fram í tillögum nefndar um eflingu sveitarstjórnarstigsins  að lögð skuli áhersla á rafræna stjórnsýslu meðal annars með því að greiða fyrir rafrænni framkvæmd íbúakosninga og hvers kyns kannana og undirskriftasafnana. Þá kom fram að mikill meirihluti sveitarstjórnarfulltrúa og alþingismanna telur þörf á að efla sveitarstjórnarstigið og að fjöldi lítilla sveitarfélaga veiki sveitarstjórnarstigið.

Umsækjendur um embætti skrifstofustjóra á skrifstofu fjármála og rekstrar í innanríkisráðuneytinu eru 44. Embættið var auglýst laust til umsóknar 6. janúar og rann umsóknarfrestur út 26. þess mánaðar.

Málþing um eflingu sveitarstjórnarstigsins sem innanríkisráðuneytið heldur í dag í samvinnu við Háskólann á Akureyri verður sent út á netinu. Dagskráin stendur frá kl. 11 til 15.30.

Mannréttindafulltrúi Evrópuráðsins, Thomas Hammarberg frá Svíþjóð, er nú í heimsókn hér á landi og átti meðal annars viðræður við innanríkisráðherra og velferðarráðherra. Mannréttindafulltrúinn heimsækir aðildarlöndin og fundar með stjórnvöldum, ýmsum stofnunum og félagasamtökum og gefur í framhaldinu út skýrslu þar sem ábendingum er komið á framfæri við stjórnvöld.

Alþjóðlegi netöryggisdagurinn verður haldinn hátíðlegur á morgun, 7. febrúar næstkomandi. Þemað í ár er „Tengjum kynslóðir”. Áhersla verður lögð á að kynslóðir miðli af þekkingu sinni og reynslu milli kynslóða, en þannig má stuðla að jákvæðri og öruggri notkun Netsins. Málþing í tilefni dagsins hefst klukkan 13 með ávarpi Ögmundar Jónassonar innanríkisráðherra.

Skráningu lýkur um miðja viku á málþingið um eflingu sveitarstjórnarstigsins sem innanríkisráðuneytið og Háskólinn á Akureyri standa fyrir á Akureyri næstkomandi föstudag, 10. febrúar. Þátttakendur eru beðnir að skrá sig á netfangið arny.g.olafsdottir@irr.is.

Starfshópur sem innanríkisráðherra skipaði síðastliðið haust til að meta gildi fjármálareglna fyrir sveitarfélög sem lögfestar eru í nýjum sveitarstjórnarlögum hefur skilað skýrslu sinni. Telur hópurinn að fjármálareglurnar geri nýjar og ákveðnar kröfur til sveitarstjórna um fjármálastjórn.

Prófnefnd samkvæmt reglugerð nr. 1095/2007 um próf til að öðlast réttindi til að vera héraðsdómslögmaður, sbr. lög nr. 77/1998 um lögmenn og lög nr. 93/2004, hefur ákveðið að halda námskeið vorið 2012. Prófraunin skiptist í tvo hluta, auk verklegrar prófraunar.

Tillögur til þingsályktunar um fjögurra og tólf ára fjarskiptaáætlanir voru til umræðu á Alþingi í dag þegar innanríkisráðherra mælti fyrir þeim en umræðum var frestað og síðari mál tekin af dagskrá. Þá lauk umræðu í gær um samgönguáætlanir og ganga þær nú til meðferðar umhverfis- og samgöngunefndar.

Samband sveitarfélaga á Suðurnesjum (SSS) og Vegagerðin undirrituðu í dag samning um skipulagningu almenningssamgangna milli Suðurnesja og höfuðborgarsvæðisins. Er verkefnið í samræmi við þá áherslu ríkisstjórnarinnar að greiða fyrir auknum hlut almenningssamgangna.

Fulltrúar þjóðkirkjunnar og Háskólans á Hólum kynntu ýmsa þætti kirkju-, menningar- og skólastarfs á Hólum í Hjaltadal fyrir innanríkisráðherra í heimsókn hans þangað um síðustu helgi. Var einnig rætt um ýmsar hugmyndir um framtíðarverkefni á Hólum.

Ögmundur Jónasson innanríkisráðherra átti á laugardag fund með fulltrúum byggðaráðs Sveitarfélagsins Skagafjarðar. Var þar fjallað um ýmis mál er snerta byggðarlagið, meðal annars innanlandsflug, vegamál og sameiningu sýslumanns- og lögregluembætta.

Vegna greinar Arnars Þórs Stefánssonar hæstaréttarlögmanns í Morgunblaðinu 28. janúar Aðgengi að dómstólum – gjafsókn og réttaraðstoðartryggingar þar sem segir meðal annars að mjög hafi verið þrengt að möguleikum fólks til að fá gjafsókn frá ríkinu vill innanríkisráðuneytið taka fram eftirfarandi.

Rætt var um tjáningarfrelsi og lýðræði á öðrum fundi fundaraðar innanríkisráðuneytisins um mannréttindamál sem haldinn var í dag. Flutt voru þrjú erindi og síðan urðu líflegar umræður.

Innanríkisráðherra hefur ásamt fulltrúum Vestmannaeyjabæjar, Siglingastofnunar og Vegagerðarinnar farið yfir stöðuna varðandi siglingar í Landeyjahöfn. Hefur verið fjallað um smíði nýrrar ferju, fyrirkomulag siglinga þar til ný ferja verður komin í gagnið, líklega þróun sandburðar við Landeyjahöfn og rannsóknir sem framundan eru. Við fjármögnun verður litið til verkefnisins í heild, þ.e. smíði nýrrar ferju og aðgerða til aðlögunar Landeyjahafnar að breyttum náttúrulegum aðstæðum.

Innanríkisráðherra hefur skipað sérfræðingahóp til að endurskoða skipulag og tilhögun rannsókna og saksóknar í efnahagsbrotamálum og leggja fram tillögur að hagfelldu heildarskipulagi slíkra rannsókna.

Starfshópur innanríkisráðherra um hvernig koma megi strandsiglingum á að nýju hefur skilað ráðherra tillögum sínum. Leggur hópurinn til að leitað verði tilboða í siglingarnar samkvæmt ákveðnum forsendum þar sem boðið verði í meðgjöf ríkisins til nokkurra ára meðan siglingarnar koma undir sig fótunum. Miðað er við tilraunaverkefni til nokkurra ára og að því loknu standi siglingarnar undir sér.

Innanríkisráðuneytið efnir til annars fundar í fundarröð um mannréttindamál föstudaginn 27. janúar næstkomandi klukkan 8.30 til 10 í Iðnó í Reykjavík. Efni fundarins verður tjáningarfrelsi og lýðræði.

Málþing um sveitarstjórnarmál verður haldið á Akureyri föstudaginn 10. febrúar næstkomandi á vegum nefndar innanríkisráðherra um eflingu sveitarstjórnarstigsins en í henni eiga einnig sæti fulltrúar Sambands íslenskra sveitarfélaga. Þátttakendur geta skráð sig á málþingið með því að senda tölvupóst á netfangið arny.g.olafsdottir@irr.is.

Það er okkar von að ráðstefnan verði til þess að efla enn frekar umræðu um kynferðisbrot á Íslandi. Hugsanlega finnum við leiðir til að breyta og bæta meðferð þeirra í réttarkerfinu, sagði Ögmundur Jónasson innanríkisráðherra meðal annars þegar hann setti ráðstefnu um meðferð kynferðisbrota í réttarvörslukerfinu í dag. Þar var meðal annars fjallað um ýmsar hliðar á vernd barna fyrir kynferðislegri misneytingu, málsmeðferð, lagabreytingar og hlutverk ákæruvaldsins.

Ögmundur Jónasson innanríkisráðherra mælti á Alþingi í dag fyrir tillögu til þingsályktunar um samgönguáætlun 2011 til 2022 og 2011 til 2014. Hóf hann mál sitt um klukkan 11 og að lokinni framsöguræðu tóku fjölmargir þingmenn til máls og stóð umræðan fram á kvöld með hléum.

Niðurstöður úttektar á opinberum vefjum voru kynntar á fundi í dag undir yfirskriftinni: Hvað er spunnið í opinbera vefi 2011? Jafnframt var í fyrsta sinn veitt viðurkenning fyrir bestu vefina. Hlaut vefur Tryggingastofnunar viðurkenninguna besti ríkisvefurinn 2011 og vefur Akureyrarbæjar viðurkenninguna besti sveitarfélagavefurinn 2011.

Hönnunarsamkeppni um Fangelsi á Hólmsheiði stendur nú yfir og er skilafrestur tillagna til 16. apríl næstkomandi. Tvö fyrirspurnartímabil fyrir þátttakendur eru í samkeppninni og lýkur því fyrra 30. janúar 2012 en því síðara 26. mars 2012. 

Málþing um sveitarstjórnarmál verður haldið á Akureyri 10. febrúar á vegum nefndar innanríkisráðherra um eflingu sveitarstjórnarstigsins. Skýrt verður frá könnun meðal sveitarstjórnarmanna og alþingismanna um afstöðu þeirra til lýðræðismála, sameiningarmála og samvinnu sveitarfélaga og flutt verða erindi um  eflingu sveitarstjórnarstigsins.

Til umsagnar eru nú hjá innanríkisráðuneytinu drög að frumvarpi að nýjum lögum um vopn, sprengiefni og skotelda sem koma eiga í stað vopnalaga nr. 16/1998. Reynslan af gildandi lögum hefur ekki verið að öllu leyti góð en af þeim hefur hlotist nokkur óvissa og ágreiningur. 

Ögmundur Jónasson heimsótti í dag svæðisstjórn björgunarsveita höfuðborgarsvæðisins og kynnti sér stjórnstöðvarbíl sem útbúinn hefur verið. Hefur bíllinn komið að góðum notum við leitar- og björgunaraðgerðir á höfuðborgarsvæðinu og víðar.

Vegna umfjöllunar um skýrslu Hagfræðistofnunar Háskóla Íslands um gjaldtöku fyrir notkun samgöngumannvirkja sem verið hefur aðgengileg á vef Hagfræðistofnunar er skýrslan nú einnig birt á vef innanríkisráðuneytisins.

Innanríkisráðuneytið, Lagadeild Háskóla Íslands og Rannsóknastofnun Ármanns Snævarr um fjölskyldumálefni efna í samvinnu við Evrópuráðið til ráðstefnu um meðferð kynferðisbrota í réttarvörslukerfinu þann 20. janúar. Málstofan fer fram í Skriðu, Menntavísindasviði Háskóla Íslands við Stakkahlíð í Reykjavík og stendur frá klukkan 10 til 18.

Umsagnarfrestur um umræðuskjal fyrir sveitarstjórnarmenn rennur út um helgina en nefnd um eflingu sveitarstjórnarstigsins hefur sent sveitarstjórnarfólki skjal um nokkur málefni sem nefndin hefur haft til athugunar. Unnt er að senda umsagnir til og með 15. janúar á netfangið postur@irr.is.

Umsagnarfrestur um drög að reglugerðum er varða undirskriftasafnanir hjá sveitarfélögum rennur út mánudaginn 16. janúar næstkomandi. Þeir sem vilja koma umsögn á framfæri geta sent þær á netfangið postur@irr.is.

Umsóknarfrestur um embætti forstöðumannsins á Kvíabryggju sem auglýst var laust til umsóknar rann út 28. desember. Ellefu sóttu um stöðuna og eru þeir í stafrófsröð:

Innanríkisráðuneytið auglýsti 15. desember síðastliðinn laus til umsóknar fjögur embætti dómara við Héraðsdóm Reykjavíkur, tvö þeirra tímabundnar setningar vegna leyfa dómara. Umsóknarfrestur rann út 4. janúar sl. Sjá lista yfir umsækjendur hér að neðan.

Gengið hefur verið frá tímabundinni leigu á þyrlu fyrir Landhelgisgæsluna sem kemur í stað TF-LIF sem verður í skoðun frá miðjum janúar til 23. mars. Þyrlan verður afhent í lok mánaðarins og ráðgert er að hún verði tilbúin í verkefni um miðjan febrúar.

Embætti skrifstofustjóra á skrifstofu fjármála og rekstrar í innanríkisráðuneytinu hefur verið auglýst laust til umsóknar. Umsóknir skulu hafa borist eigi síðar en 26. janúar nk.

Til umsagnar eru nú hjá innanríkisráðuneytinu drög að reglugerð um breytingu á reglugerð um skírteini útgefin af Flugmálastjórn Íslands, nr. 400/2008. Þeir sem þess óska geta sent umsagnir sínar á netfangið postur@irr.is til 16. janúar 2012.

Fyrirkomulag ættleiðinga á Íslandi er með þeim hætti að samkvæmt lögum nr. 130/1999 veitir sýslumaður leyfi til ættleiðinga að ákveðnum skilyrðum uppfylltum. Innanríkisráðherra er heimilt að ákveða að leyfisveitingarnar séu á hendi eins sýslumannsembættis. Sýslumaðurinn í Búðardal hefur annast þær frá 2006 en frá 1. janúar eru þessi verkefni hjá sýslumannsembættinu í Reykjavík og kveðið á um flutninginn með nýrri reglugerð.

Ögmundur Jónasson innanríkisráðherra og Logi Már Einarsson, formaður Arkitektafélags Íslands, undirrituðu í dag samning um útfærslu hönnunarsamkeppni um byggingu nýs fangelsis á Hólmsheiði í Reykjavík. Samkeppnin verður auglýst á evrópska efnahagssvæðinu og verða samkeppnisgögn afhent frá næstkomandi mánudegi 9. janúar.

Nefnd um eflingu sveitarstjórnarstigsins hefur sent sveitarstjórnarfólki gátlista sem er eins konar umræðuskjal um nokkur málefni sem nefndin hefur haft til athugunar. Skjalið er þannig verkfæri til skoðanaskipta við sveitarstjórnarfólk og er þess óskað að athugasemdir berist ráðuneytinu fyrir 15. janúar næstkomandi á netfangið arny.g.olafsdottir@irr.is.