Samráð um gerð samgönguáætlunar 2015-2026

Samráð um gerð samgönguáætlunar 2015-2026

Alls voru haldnir 11 formlegir samráðsfundir í upphafi stefnumótunar. Á fundunum var gerð samgönguáætlunar kynnt, staða verkefna samkvæmt gildandi áætlun og loks tóku fundargestir þátt í hugarflugi þar sem unnið var með kort og menn settu niður hugmyndir sínar um stefnu  í ákveðnum málefnum sem og flokkuðu verkefni í samgöngumálum niður í brýn, þau sem æskilegt væri að vinna innan gildistíma áætlunarinnar og loks þau draumaverkefni sem þátttakendur  langar til að sjá verða að veruleika fyrir árið 2050.

Fundað var á vegum allra landhlutasamtaka sveitarfélaga með sveitarstjórnarfólki á eftirtöldum stöðum:

  • Samtökum sveitarfélaga á Vesturlandi í Borgarnesi
  • Fjórðungssambandi Vestfirðinga á Ísafirði
  • Samtökum sveitarfélaga á Norð-vesturlandi á Sauðárkróki
  • Eyþingi á Húsavík
  • Samtökum sveitarfélaga á Austurlandi á Egilsstöðum
  • Samtökum sunnlenskra sveitarfélaga á Selfossi
  • Samtökum sveitarfélaga á Suðurnesjum í Reykjanesbæ
  • Samtökum sveitarfélaga á höfuðborgarsvæðinu í Kópavogi

Að auki var fundað með

  • Samtökum atvinnulífsins í Reykjavík
  • Fulltrúum frjálsra félagasamtaka í Reykjavík
  • Fulltrúum ungmenna á aldrinum 18-26 ára í Reykjavík
Verkefni á samráðsfundum

Niðurstöður samráðsfundanna

Þátttakendur í samráði fengu allir kort þar sem þeir settu niður þau verkefni sem þeir töldu brýnust að vinna. Þau verkefni sem oftast voru nefnd á samráðsfundum um allt land voru eftirtalin en frekari skýringar er að finna á vef samgönguáætlunar. Fundargestir lögðu einnig til stefnu eða verkefni sem þeir sáu fyrir sér að æskilegt væri að vinna á tímabili áætlunarinnar. Loks lögðu þeir fram sín óskaverkefni sem ef til vill myndu nást fyrir árið 2050.

Meðfylgjandi listi tekur til þeirra verkefna sem þátttakendur töldu brýnasta:

  • Öryggi
    - Fjarskiptasamband á öllum stofnvegum
    - Stykja fælingarmátt, aukin sýnileika eftirlits
  • Forgangsröðun
    - Auka viðhald áður en verðmæti rýrnar
    - Bæta þjónustu vega
    - Útrýma einbreiðum brúm
    - Stytting leiða – styrking vinnusóknarsvæða
    - Tvöföldun fjölförnustu þjóðvega
    - Ferðamannavegir á hálendi ; Kjalvegur
  • Nýframkvæmdir
    - Vestfirðir og Austurland fái  forgang
    - Efla jarðgangnagerð og Sundabraut verði lögð.
    - Auka samnýtingu framkvæmda
    - Áhersla á héraðs – og tengivegi m.a. til fjölsóttra ferðamannastaða
  • Flutningar og hafnir
    - Auka strandsiglingar / flutningur af vegum
    - Efla hafnabótasjóð
  • Almenningssamgöngur
    - Ánægja með almenningssamgöngur og með strætó
    - Komnar til að vera,  breytt viðhorf, eru vistvænar og nauðsynlegar
    - Styrkja innanlandsflug, tryggir aðgengi að opinberri þjónustu
  • Ferðaþjónusta
    - Ferðamannavegi  á hálendi með lengri opnunartíma
    - Fleiri útskot
    - Bættar merkingar
    - Millilandaflug á Akureyri og/eða Egilsstaði
  • Vistvænar samgöngur   
    - Auka notkun rafmagnsbíla í samgöngum og fjölga hleðslustöðvum
    - Hjólastígar með fram þjóðvegum (Suðurland, Mývatn)
  • Ferðatímamarkmið
    - Fremur en vegalengdir
  • Skipulagsvald 
    - Valdið verði  hjá sveitarfélögum
    - nema þegar um er að ræða ágreining
  • Gáttir við útlönd
    - Keflavik, stækkun og viðhald
    - Fá millilandaflug á alþjóðaflugvellina
    - Norðurslóðir, fylgja tækifærum
  • Fjármögnun  vegakerfis; nýjar lausnir
    - Notendagjöld; vistvænir bílar greiða lítt eða ekki til vegakerfis.
    - Nokkrir gjaldflokkar; breytileg gjöld háð veggerð og /eða staðsetningu
    - Skattaafsláttur ef menn ferðast langar leiðir til vinnu
    - Gjaldtaka í einstökum framkvæmdum  til að flýta framkvæmdum

Þegar bornar eru saman niðurstöður samráðsfunda við gerð samgönguáætlunar 2011-2022  er ljóst að niðurstöður eru í keimlíkar. Þó er ljóst að breytt tíðarfar hefur aukið vægi vetrarþjónustu og að einnig er meiri áhersla á viðhald og smærri framkvæmdir umfram stórar nýframkvæmdir. 

Kort sem unnin voru upp úr öllum þeim hugmyndum sem komu fram á samráðsfundunum:

*Hafa ber í huga að breytilegt var eftir landshlutum hversu marga Landshlutasamtökin boðuðu til fundanna.