Dómsmálaráðuneytið

Haukur Guðmundsson skipaður ráðuneytisstjóri dómsmálaráðuneytis - 24.5.2017

Haukur Guðmundsson hefur verið skipaður ráðuneytisstjóri dómsmálaráðuneytis frá 1. júní næstkomandi.

Sigríður Á. Andersen dómsmálaráðherra hefur skipað Hauk Guðmundsson héraðsdómslögmann ráðuneytisstjóra dómsmálaráðuneytis frá 1. júní næstkomandi. Embættið var auglýst 10. apríl og voru umsækjendur 12 en tveir drógu umsóknir sínar til baka. Þriggja manna hæfnisnefnd fór yfir umsóknirnar og var Haukur á meðal umsækjenda sem metnir voru hæfir.

Dómnefnd um umsækjendur um embætti dómara við Landsrétt skilar umsögn - 22.5.2017

Dómnefnd um umsækjendur um embætti 15 dómara við Landsrétt hefur skilað dómsmálaráðherra umsögn sinni. Embættin voru auglýst laus til umsóknar 10. febrúar síðastliðinn með umsóknarfresti til 28. febrúar. Alls sóttu 37 um embættin en þrír drógu umsóknir sínar til baka.

Samantekt um frumbrot vegna peningaþvættis - 22.5.2017

Peningaþvættisskrifstofa Héraðssaksóknara hefur birt á vef sínum samantekt um frumbrot í tengslum við peningaþvætti. Í samantektinni er m.a. bent á að öll refsiverð brot samkvæmt íslenskum lögum geta verið frumbrot af þessu tagi, t.d. fjársvik og fjárdráttur, fíkniefnabrot, skattalagabrot og spillingarbrot, þar á meðal erlend og innlend mútubrot.

Fleiri fréttir


Samgöngu- og sveitarstjórnarráðuneytið

Jón Gunnarsson ávarpaði x. landsþing Slysavarnafélagsins Landsbjargar - 22.5.2017

Jón Gunnarsson flutti ávarp við setningu landsþings Slysavarnafélagsins Landsbjargar.

Jón Gunnarsson, samgöngu- og sveitarstjórnarráðherra, flutti ávarp við setningu x. landsþings Slysavarnafélagsins Landsbjargar á Akureyri í lok síðustu viku. Bar hann þingfulltrúum kveðjur ríkisstjórnarinnar og ræddi meðal annars um mikilvægi viðbragðsaðila í þjóðfélaginu.

Drög að breytingu á reglugerð um upplýsingaþjónustu flugmála til umsagnar - 19.5.2017

Samgöngu- og sveitastjórnarráðuneytið kynnir drög að reglugerð um breytingu á reglugerð um upplýsingaþjónustu flugmála. Umsagnir má senda ráðuneytinu á netfangið postur@srn.is til 25. maí næstkomandi.

Forstöðumannafundur með samgöngu- og sveitarstjórnarráðherra - 12.5.2017

Frá forstöðiumannafundi  dómsmálaráðunytis og samgöngu- og sveitarstjórnarráðuneytis.

Haldinn var í dag forstöðumannafundur dómsmálaráðuneytis og samgöngu- og sveitarstjórnarráðuneytis með ráðherrunum. Er þetta fyrsti forstöðumannafundurinn eftir uppskiptingu innanríkisráðuuneytisins og ákveðið að hafa hann sameiginlegan.

Fleiri fréttir