Hoppa yfir valmynd
26. ágúst 2014 Dómsmálaráðuneytið

Nýtt embætti dómsmálaráðherra í innanríkisráðuneyti

Ríkisstjórnin ákvað á fundi sínum í dag að tillögu Hönnu Birnu Kristjánsdóttur innanríkisráðherra að færa málefni dómstóla, lögreglu og ákæruvalds undan ábyrgðarsviði hennar sem innanríkisráðherra. Sett verður á fót nýtt embætti dómsmálaráðherra í innanríkisráðuneytinu, sem Sigmundur Davíð Gunnlaugsson forsætisráðherra mun gegna samhliða embætti forsætisráðherra, þar til annað verður ákveðið.

Eftirfarandi stjórnarmálefni, sbr. neðangreinda liði forsetaúrskurðar, nr. 71/2013, um skiptingu stjórnarmálefna milli ráðuneyta í Stjórnarráði Íslands, færast undir embætti dómsmálaráðherra:

  •  2. og 3. tölul. 4. gr.:

2. Ákæruvald, þar á meðal:

a. Embætti ríkissaksóknara.

b. Embætti sérstaks saksóknara.

3. Dómstóla, aðra en félagsdóm, þar á meðal:

a. Dómstólaráð.

b. Dómnefnd um hæfi umsækjenda um dómarastörf.

c. Nefnd um dómarastörf.

  • a. – c. liður 4. tölul. 4. gr.:

4. Réttarfar, þar á meðal:

a. Meðferð einkamála.

b. Meðferð sakamála.

c. Endurupptökunefnd.

  • 8. tölul. 4. gr.:

Lögmenn, dómtúlka og skjalaþýðendur, þ.m.t. málefni úrskurðarnefndar lögmanna.

  • 12. tölul. 4. gr.:

Almannavarnir

  • 14. tölul. 4. gr.:

Lögreglu og löggæslu, þar á meðal:

a. Landamæravörslu.

c. Framsal/afhendingu sakamanna.

d. Schengen.

e. Peningaþvætti.

f. Erfðaefnaskrá lögreglu.

g. Öryggisþjónustu í atvinnuskyni.

h. Lögregluskóla ríkisins.

i. Embætti ríkislögreglustjóra.

j. Lögreglustjóraembætti.

Innanríkisráðherra og dómsmálaráðherra munu því báðir fara með verkefni hvor á sínu sviði og starfsmenn sem sinnt hafa verkefnum sem nú færast undir dómsmálaráðherra munu gera svo áfram og hafa aðsetur í innanríkisráðuneytinu

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum