Hoppa yfir valmynd
30. apríl 2014 Dómsmálaráðuneytið

Kynnti sér starfsemi Landhelgisgæslunnar

Hanna Birna Kristjánsdóttir innanríkisráðherra heimsótti í gær Landhelgisgæsluna þar sem forráðamenn hennar kynntu henni hina fjölmörgu þætti starfseminnar. Ráðherra heimsótti aðalstöðvarnar sem eru til húsa við Skógarhlíð, flugdeildina á Reykjavíkurflugvelli og varðskipið Þór sem lá við Miðbakka í Reykjavík.

Innanríkisráðherra heimsótti Landhelgisgæsluna í gær og kynnti sér starfsemina.
Innanríkisráðherra heimsótti Landhelgisgæsluna í gær og kynnti sér starfsemina.

Innanríkisráðherra heimsótti Landhelgisgæsluna í gær og kynnti sér starfsemina.Georg Kr. Lárusson, forstjóri Landhelgisgæslunnar, tók á móti ráðherra og fylgdarliði og bauð gesti velkomna. Kynntu forstjórinn og samstarfsmenn hans helstu þættina í starfsemi Landhelgisgsælunnar og ráðherra ræddi við starfsmenn hinna einstöku deilda og sviða.

Auk þess að heimsækja aðalskrifstofu var gengið við á sjómælingasviði og sprengjudeild, flugrekstrar- og flugtæknideildin á Reykjavíkurflugvelli skoðuð svo og flugkostur Landhelgisgæslunnar og endað í varðskipinu Þór þar sem Sigurður Steinar Ketilsson skipherra sýndi ráðherra skipið.

Innanríkisráðherra heimsótti Landhelgisgæsluna í gær og kynnti sér starfsemina.

Innanríkisráðherra tjáði forstjóranum og starfsmönnum hans þakkir sínar fyrir móttökurnar og fyrir það hversu mikils trausts Landhelgisgæslan nýtur í þjóðfélaginu. Hún stæði undir því trausti enda væru starfsmenn hennar margreyndir og hæfir sérfræðingar hver á sínu sviði og hefði Landhelgisgæslan margoft sannað getu sínu við leitar- og björgunarstörf.

Innanríkisráðherra heimsótti Landhelgisgæsluna í gær og kynnti sér starfsemina.





Hafa samband

Ábending / fyrirspurn
Ruslvörn
Vinsamlegast svaraðu í tölustöfum