Ráðherraskipti í innanríkisráðuneytinu
Hanna Birna Kristjánsdóttir, nýr innanríkisráðherra, tók við lyklavöldum í ráðuneytinu í morgun úr höndum Ögmundar Jónassonar sem gegnt hefur embættinu frá stofnun ráðuneytisins í ársbyrjun 2011.
Eftir lyklaskiptin heilsaði hinn nýi ráðherra uppá starfsfólk ráðuneytisins og kynnti sér starfsaðstöðuna. Ný ríkisstjórn mun síðan halda sinn fyrsta fund eftir hádegi í dag.
Hanna Birna var kjörin á þing fyrir Sjálfstæðisflokkinn í alþingiskosningunum 27. apríl síðastliðinn. Hún er fyrsti þingmaður Reykjavíkurkjördæmis suður.