Opin samkeppni um listskreytingu í fangelsi

Opin samkeppni verður um listskreytingu í fangelsi á Hólmsheiði sem reist verður á næstu misserum og taka á í notkun á árinu 2015. Kynningarfundur um samkeppnina verður haldinn klukkan 17 í dag, miðvikudag, í húsnæði Sambands íslenskra myndlistarmanna að Hafnarstræti 16 í Reykjavík.

Framkvæmdasýsla ríkisins annast umsjón með samkeppninni fyrir hönd innanríkisráðuneytisins. Skila skal samkeppnistillögum fyrir klukkan 15 föstudaginn 17. maí. Dómnefnd skipa eftirtaldir:

Tilnefnd af verkkaupa eru:

• Steinunn Valdís Óskarsdóttir, sérfræðingur í innanríkisráðuneyti, formaður dómnefndar.
• Guðrún Edda Guðmundsdóttir, lögfræðingur hjá Fangelsismálastofnun.
• Björn Guðbrandsson, arkitekt / hönnunarstjóri hjá Arkís arkitektum ehf.

Tilnefnd af Listskreytingasjóði eru:

• Þóra Sigurðardóttir, myndlistarmaður
• Jón Bergmann Kjartansson - Ransu, myndlistarmaður

Ritari dómnefndar er Örn Baldursson, verkefnastjóri hjá Framkvæmdasýslu ríkisins.

• Sjá má lýsingu á tilhögun og skilmálum samkeppninnar á vef Framkvæmdasýslunnar.