Hoppa yfir valmynd
14. janúar 2013 Dómsmálaráðuneytið

Fleiri gögn í Guðmundar- og Geirfinnsmálum

Í byrjun janúar bárust starfshópi innanríkisráðuneytis um Guðmundar- og Geirfinnsmál enn skjöl sem tengjast rannsókn málanna. Um er að ræða talsvert af gögnum frá lögreglu og höfðu verið í vörslu Þjóðskjalasafns Íslands. Að hluta til eru þetta gögn sem starfshópurinn hafði ekki haft undir höndum og stendur frekari úrvinnsla þeirra nú yfir.

Starfshópnum, sem skipaður var í október 2011, er ætlað að skila lokaskýrslu til innanríkisráðherra um miðjan febrúar 2013. Of snemmt er að segja til um hve mikil áhrif framangreind gögn muni hafa á framvindu vinnu starfshópsins.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum