Embætti skrifstofustjóra á skrifstofu fjármála og rekstrar laust til umsóknar

Embætti skrifstofustjóra á skrifstofu fjármála og rekstrar í innanríkisráðuneytinu hefur verið auglýst laust til umsóknar. Umsóknir skulu hafa borist eigi síðar en 26. janúar nk.

Ráðherra skipar í embættið til fimm ára að fengnu mati hæfnisnefndar sbr. 18. og 19. gr. laga nr. 115/2011 um Stjórnarráð Íslands. Um er að ræða fullt starf og æskilegt að umsækjendur geti hafið störf sem allra fyrst. Laun eru samkvæmt ákvörðun kjararáðs.

Verkefni skrifstofunnar eru:

• Eftirlit með rekstri stofnana ráðuneytisins.
• Fjárlagagerð og rekstraráætlanir.
• Framkvæmd fjárlaga.
• Húsnæði.
• Innri þjónusta.
• Rekstur ráðuneytisins.
• Skrifstofustjóri stýrir og ber ábyrgð á framkvæmd og eftirfylgd verkefna skrifstofunnar.

Menntunar- og hæfniskröfur:

• Háskólamenntun sem nýtist í starfi, viðskipta- eða hagfræðipróf æskileg.
• Þekking og reynsla á opinberri stjórnsýslu.
• Stjórnunarreynsla æskileg.
• Greiningarhæfni.
• Samskipta- og stjórnunarhæfni.
• Reynsla af stefnumótun og áætlanagerð æskileg.

Öllum umsóknum verður svarað þegar ákvörðun um ráðningu liggur fyrir. Konur jafnt sem karlar eru hvött til þess að sækja um.

Nánari upplýsingar veitir Ragnhildur Hjaltadóttir ráðuneytisstjóri í síma 545 9000.

Umsóknir berist innanríkisráðuneytinu í Sölvhólsgötu 7, 150 Reykjavík eða á tölvupóstfang ráðuneytisins [email protected].