Aðgangur að starfshópi um Guðmundar- og Geirfinnsmál
Starfshópur sem innanríkisráðherra skipaði til að fara ofan í gögn um Guðmundar- og Geirfinnsmál hefur nú tekið til starfa. Í fyrstunni er hópurinn að viða að sér gögnum.
Þeir sem búa yfir upplýsingum um málin og vilja koma á framfæri ábendingum til starfshópsins eða hafa jafnvel gögn undir höndum sem varða málin eru hvattir til að hafa samband við starfshópinn. Hægt er að senda tölvupóst á netfangið [email protected] eða senda starfshópnum bréf á innanríkisráðuneytið, Sölvhólsgötu 7, 150 Reykjavík.
Starfshópnum er falið að fara yfir málið í heild sinni en sérstaklega þá þætti sem snúa að rannsókn þess og framkvæmd rannsóknarinnar. Þau gögn sem komið hafa fram á síðustu misserum og árum verði tekin til athugunar. Í áfangaskýrslu komi fram hvort og þá til hvaða ráðstafana þurfi að grípa varðandi framhald málsins. Starfshópurinn mun geta kallað sérfræðinga til ráðgjafar eftir því sem hann telur þörf á.