Kynningarfundur vegna löggildingarprófs fyrir dómtúlka og skjalaþýðendur
Kynningarfundur fyrir þá sem hyggjast þreyta löggildingarpróf verður haldinn föstudaginn 2. september nk. kl. 14:05 að Neshaga 16, stofu 102, 101 Reykjavík. Allar nánari upplýsingar um undirbúningsnámskeiðið verða veittar á kynningarfundinum. Próftökum er skylt að sækja undirbúningsnámskeiðið.
Umsóknir á eyðublöðum sem fást hjá sýslumanninum á Hólmavík og hér á vefnum skulu berast sýslumanninum á Hólmavík, Hafnarbraut 25, 510 Hólmavík, í síðasta lagi 30. september nk. Prófgjald, að fjárhæð kr. 140.000,-, skal greiða inn á reikning sýslumannsins á Hólmavík nr. 0316-26-21, kt. 570269-5189 og skal staðfesting á greiðslu fylgja umsóknum. Námskeiðsgjald er innifalið í prófgjaldi.
Nánari upplýsingar veitir sýslumaðurinn á Hólmavík í síma 455 3500.