Fréttir innanríkisráðuneytisins 2011-2017

Stofnun stýrihóps um mannréttindi undirbúin - 26.4.2017

Innanríkisráðuneytið undirbýr nú skipun stýrihóps Stjórnarráðsins um mannréttindi. Sigríður Á. Andersen dómsmálaráðherra kynnti málið á ríkisstjórnarfundi í gær. Þá upplýsti ráðherra einnig að lokið væri allsherjarúttekt Sameinuðu þjóðanna á stöðu mannréttindamála á Íslandi og er það í annað sinn sem slík úttekt fer fram hér á landi.

Lesa meira

Tólf umsóknir um embætti ráðuneytisstjóra dómsmálaráðuneytis - 26.4.2017

Tólf umsóknir bárust um embætti ráðuneytisstjóra dómsmálaráðuneytis sem auglýst var laust til umsóknar 10. apríl síðastliðinn. Dómsmálaráðherra hefur skipað þriggja manna nefnd til að meta hæfni umsækjenda í samræmi við lög um Stjórnarráð Íslands.

Lesa meira

Tók þátt í ráðherrafundi um tölvuvæðingu - 26.4.2017

Fundur ráðherra Norðurlanda og Eystrasaltsríkjanna sem hafa tölvu- og netvæðingu á sinni könnu fór fram í Osló í vikunni og tók Jón Gunnarsson, samgöngu- og sveitarstjórnarráðherra, þátt í fundinum. Ræddi hann meðal annars um þátt tölvuvæðingar í þróun og breytingum á vinnumarkaði og hversu brýnt væri að menntakerfið fylgdi samfélagsþróuninni.

Lesa meira

Illugi Gunnarsson verður formaður stjórnar Byggðastofnunar - 25.4.2017

Ársfundur Byggðastofnunar er  haldinn í dag í Skagafirði og var tilkynnt um nýja stjórn stofnunarinnar á fundinum. Formaður hennar er Illugi Gunnarsson. Ragnhildur Hjaltadóttir, ráðuneytisstjóri innanríkisráðuneytis, flutti ávarp í upphafi fundar í fjarveru Jóns Gunnarssonar, samgöngu- og sveitarstjórnarráðherra.

Lesa meira

Drög að breytingum á lögum vegna endurupptöku dómsmála - 25.4.2017

Drög að lagafrumvarpi til breytinga á lögum um dómstóla, lögum um meðferð einkamála og lögum um meðferð sakamála eru nú til umsagnar hjá ráðuneytinu. Umsagnarfrestur til 26. maí og skulu umsagnir sendar á netfangið postur@irr.is.

Lesa meira

Dómsmálaráðherra heimsótti sýslumanninn á höfuðborgarsvæðinu - 21.4.2017

Sigríður Á. Andersen, dómsmálaráðherra, heimsótti í vikunni embætti sýslumannsins á höfuðborgarsvæðinu en þar undirritaði hún ásamt Þórólfi Halldórssyni, sýslumanni, árangursstjórnunarsamning við embættið.

Lesa meira

Skrifað undir samning um Dýrafjarðargöng - 20.4.2017

Samgöngu- og sveitarstjórnarráðherra, vegamálastjóri og forráðamenn verktakafyrirtækjanna Suðurverks og Metrostav frá Tékklandi skrifuðu í dag undir samning um gerð Dýrafjarðarganga en fyrirtækin áttu lægsta tilboð af fimm í verkið. Undirbúningur framkvæmda getur nú hafist.

Lesa meira

Samgöngu- og sveitarstjórnarráðherra skipar starfshóp til að fara yfir lög um gatnagerðargjald - 19.4.2017

Samgöngu- og sveitarstjórnarráðherra hefur skipað starfshóp til að fara yfir lög um gatnagerðargjald en 1. júlí næstkomandi verða liðin 10 ár frá því að lögin gengu í gildi. Talið er tímabært að fara yfir reynsluna af framkvæmd laganna meðal annars með hliðsjón af fyrirliggjandi dómum og úrskurðum.

Lesa meira

Drög að reglugerð um gjaldtöku af umferð flutningabifreiða - 12.4.2017

Drög að reglugerð um gjaldtöku af umferð flutningabifreiða eru nú til umsagnar hjá innanríkisráðuneytinu. Umsagnir má senda ráðuneytinu á netfangið postur@irr.is til 24. apríl næstkomandi.

Lesa meira

Heimsótti embætti ríkislögreglustjóra og ríkissaksóknara - 12.4.2017

Sigríður Á. Andersen dómsmálaráðherra heimsótti bæði embætti ríkislögreglustjóra og ríkissaksóknara í gær. Þar átti hún samtal við bæði forráðamenn og starfsmenn embættanna um verkefnin, áskoranir og það sem vel gengur.

Lesa meira

Drög að breytingu á reglugerð fyrir talnagetraunir til umsagnar - 11.4.2017

Innanríkisráðuneytið hefur nú til umsagnar drög að breytingu á reglugerð fyrir talnagetraunir Íslenskrar getspár nr. 1170/2012 með síðari breytingum. Unnt er að senda ráðuneytinu umsagnir um drögin til og með 25. apríl næstkomandi á netfangið postur@irr.is.

Lesa meira

Embætti ráðuneytisstjóra dómsmálaráðuneytis auglýst - 10.4.2017

Gefnir hafa verið út þrír forsetaúrskurðir um Stjórnarráð Íslands sem taka eiga gildi 1. maí næstkomandi. Sú breyting verður á skiptingu ráðuneyta að nýtt dómsmálaráðuneyti og nýtt samgöngu- og sveitarstjórnarráðuneyti taka til starfa 1. maí og er það í samræmi við þingsályktun Alþingis sem samþykkt var 22. mars síðastliðinn.

Lesa meira

Svæðisstjóri Flóttamannastofnunar SÞ segir Ísland fyrirmynd annarra landa - 8.4.2017

Sigríður Á. Andersen dómsmálaráðherra átti í vikunni fund með Piu Prytz Phiri, svæðisstjóra Flóttamannastofnunar Sameinuðu þjóðanna í Norður-Evrópu. Pia hefur reglulega heimsótt Ísland undanfarin fimm ár og fundar þá með fulltrúum stjórnvalda og mannúðarsamtaka hér á landi.

Lesa meira

Ríki og sveitarfélög skrifa undir samkomulag um afkomumarkmið til 2022 - 8.4.2017

Fulltrúar ríkis og sveitarfélaga hafa skrifað undir samkomulag um markmið og afkomu sveitarfélaga árin 2018 til 2022. Samkomulagið byggist á ákvæðum í lögum um opinber fjármál þess efnis að ríki og sveitarfélög stuðli að góðri hagstjórn og styrkri og ábyrgi stjórn opinberra fjármála og fylgir samkomulagið gildistíma fjármálaáæltunar ríkisins.

Lesa meira

Breyting á reglugerð um miðlun upplýsinga vegna flutninga á sjó til umsagnar - 7.4.2017

Drög að reglugerð um samræmda afhendingu og miðlun upplýsinga um flutninga á sjó eru nú til umsagnar hjá ráðuneytinu. Unnt er að senda ráðuneytinu umsagnir til og með 19. apríl næstkomandi og skal senda þær á netfangið postur@irr.is.

Lesa meira

Drög að breytingu á reglugerð vegna tjónaökutækja til umsagnar - 6.4.2017

Drög að breytingu á reglugerð um gerð og búnað ökutækja er nú til umsagnar hjá ráðuneytinu. Breytingin snýst um ökutæki sem orðið hafa fyrir tjóni og hvernig staðið skuli að viðgerð þeirra. Unnt er að senda ráðuneytinu umsagnir um drögin til og með 26. apríl og skulu þær sendar á netfangið postur@irr.is.

Lesa meira

Mikilvægt að eiga samstarf um leitar- og björgunarstarf á norðurslóðum - 5.4.2017

Landhelgisgæslan og Samtök skemmtiferðaskipa sem gera út á norðurslóðum standa nú saman að ráðstefnu og æfingu í Reykjavík um siglingar og leit og björgun í norðurhöfum. Markmiðið er að efla samstarf og traust björgunaraðila og útgerða og sitja ráðstefnuna fulltrúar þessara aðila.

Lesa meira

Jón Gunnarsson ávarpaði sveitarstjórnarþing Evrópuráðsins - 29.3.2017

Jón Gunnarsson, samgöngu- og sveitarstjórnarráðherra, tók þátt í sveitarstjórnarþingi Evrópuráðsins í Strassborg sem haldið er á vegum Evrópuráðsins. Þingið gerir reglulega úttektir á stöðu staðbundins lýðræðis í aðildarríkjum og á þinginu nú er kynnt úttekt á stöðu sveitarstjórnarmála á Íslandi. Ávarpaði ráðherra þingið og gerði frekari grein fyrir stöðu mála hér á landi og svaraði fyrirspurnum þingfulltrúa.

Lesa meira

Ríkisstjórnin samþykkir 1.200 milljóna króna viðbótarframlag til vegamála - 24.3.2017

Ríkisstjórnin hefur samþykkt aukafjárveitingu til vegaframkvæmda að upphæð 1.200 milljónir króna á árinu. Ríkisstjórnin fól fyrr í mánuðinum samgöngu- og sveitarstjórnarráðherra og fjármála- og efnahagsráðherra að leggja fram tillögur um hvaða brýnu framkvæmdir þyrfti að ráðast í og kostnað við þær og var tillaga þeirra samþykkt á ríkisstjórnarfundinum í dag.

Lesa meira

Sveitarfélög verði studd betur til sameininga - 24.3.2017

Uppbygging innviða, aukinn hvati til sameiningar sveitarfélaga, fjölbreyttari leiðir til að fjármagna samgönguframkvæmdir, ákvörðun ríkisstjórnarinnar í dag um 1.200 milljóna króna viðbótarframlag til vegaframkvæmda á árinu og uppskipting innanríkisráðuneytis voru meðal umræðuefna í ræðu Jóns Gunnarssonar, samgöngu og sveitarstjórnarráðherra á landsþingsi Sambands íslenskra sveitarfélaga í dag.

Lesa meira

Endurnýjuðu yfirlýsingu um aðgerðir gegn ofbeldi og afleiðingum þess - 24.3.2017

Mennta- og menningarmálaráðherra, heilbrigðisráðherra, dómsmálaráðherra og félags- og jafnréttismálaráðherra skrifuðu í dag undir samstarfsyfirlýsingu um aðgerðir gegn ofbeldi og afleiðingum þess. Með henni eru ráðherrarnir að staðfesta framhald á vinnu samkvæmt áætlun um margs konar aðgerðir gegn ofbeldi sem hófst árið 2014.

Lesa meira

Gunnar Örn Jónsson skipaður í embætti lögreglustjóra á Norðurlandi vestra - 22.3.2017

Sigríður Á. Andersen dómsmálaráðherra hefur skipað Gunnar Örn Jónsson í embætti lögreglustjóra á Norðurlandi vestra frá 1. apríl næstkomandi og afhenti hún honum skipunarbréf í dag. Embættið var auglýst í janúar og rann umsóknarfrestur út 30. janúar. Níu manns sóttu um embættið og ein umsókn til viðbótar var dregin tilbaka.

Lesa meira

Drög að breytingum á almennum hegningarlögum vegna mútubrota til umsagnar - 17.3.2017

Drög að frumvarpi til breytinga á ákvæðum almennra hegningalaga um mútubrot eru nú til umsagnar á vef innanríkisráðuneytisins. Unnt er að senda ráðuneytinu umsagnir til og með 31. mars næstkomandi og skulu þær sendar á póstfangið postur@irr.is

Lesa meira

Dómsmálaráðherra heimsótti Rauða krossinn - 16.3.2017

Sigríður Á. Andersen dómsmálaráðherra heimsótti í gær Rauða krossinn á Íslandi í aðalstöðvar samtakanna við Efstaleiti í Reykjavík. Sveinn Kristinsson formaður og Kristín S. Hjálmtýsdóttir framkvæmdastjóri tóku á móti ráðherra og fylgdarliði og kynntu henni starfsemina.

Lesa meira

Vistheimilanefnd skilar viðbótarskýrslu - 15.3.2017

Visheimilanefnd hefur skilað dómsmálaráðherra viðbótarskýrslu vegna vistunar barna á Kópavogshæli. Nefndin skilaði  dómsmálaráðherra þann 7. febrúar 2017 skýrslu um vistun barna á Kópavogshæli í samræmi við lög nr. 26/2007 og erindisbréf forsætisráðherra.

Lesa meira

Kynnt drög að breytingum á lögum um ríkisborgararétt - 15.3.2017

Drög að frumvarpi til laga um breytingu á lögum um íslenskan ríkisborgararétt, nr. 100/1952, eru nú til kynningar á vef innanríksráðuneytisins. Unnt er að senda ráðuneytinu ábendingar eða spurningar og skulu þær sendar á netfangið postur@irr.is.

Lesa meira

Mikilvægt og krefjandi starf sem kallar á síaukna sérhæfingu - 15.3.2017

Álag og fjölgun slysa, vinnuslys hjá lögreglunni og fleira var umræðuefni ráðstefnu Vinnueftirlits ríkisins og nokkurra samstarfsaðila, sem haldin var í gær. Sigríður Á. Andersen, dómsmálaráðherra, flutti ávarp við setningu ráðstefnunnar og sagði hún brýnt að taka alvarlega ábendingar um aukið álag og slys meðal lögreglumanna.

Lesa meira

Heimsótti Póst- og fjarskiptastofnun og Samgöngustofu - 14.3.2017

Jón Gunnarsson, samgöngu- og sveitarstjórnarráðherra, heimsótti í dag Póst- og fjarskiptastofnun og Samgöngustofu. Starfsemin var kynnt fyrir ráðherra og fylgdarliði og hann heilsaði uppá starfsmenn.

Lesa meira

Dómsmálaráðherra heimsótti embætti héraðssaksóknara - 10.3.2017

Sigríður Á. Andersen dómsmálaráðherra heimsótti embætti héraðssaksóknara í vikunni. Ólafur Þór Hauksson héraðssaksóknari tók á móti ráðherra og fylgdarliði ásamt nokkrum samstarfsmönnum sínum og kynntu þau ráðherra starfsemina.

Lesa meira

Rætt um samgöngur og uppbyggingu á Iðnþingi - 9.3.2017

Glímt við þjóðveginn – samgöngur og uppbygging var yfirskrift í pallborðsumræðum á Iðnþingi 2017 sem fram fór í Reykjavík í dag. Jón Gunnarsson, samgöngu- og sveitarstjórnarráðherra, tók þátt í þeim og var þar rætt um langtímasýn og nauðsyn á uppbyggingu innviða og fjármögnun þeirra.

Lesa meira

Samningur við Reykjavíkurborg um þjónustu við umsækjendur um vernd - 9.3.2017

Dómsmálaráðherra, borgarstjóri og forstjóri Útlendingastofnunar undirrituðu í dag samning um þjónustu Reykjavíkurborgar við 200 umsækjendur um alþjóðlega vernd hér á landi. Þar með var framlengdur samningur sem kvað á um þjónustu við allt að 90 einstaklinga.

Lesa meira

Miðstöð fyrir þolendur ofbeldis opnuð í Bjarkarhlíð - 3.3.2017

Bjarkarhlíð, miðstöð fyrir þolendur ofbeldis, var formlega opnuð í gær. Miðstöðin er samstarfsverkefni Reykjavíkurborgar, velferðarráðuneytis, innanríkisráðuneytis, Lögreglunnar á höfuðborgarsvæðinu, Samtaka um kvennaathvarf, Stígamóta, Drekaslóðar, Mannréttindaskrifstofu Íslands og Kvennaráðgjafarinnar. Hún er rekin sem þróunarverkefni til tveggja ára.

Lesa meira

Grundvallarbreytingar á skyldum og ábyrgð opinberra aðila sem vinna með persónuupplýsingar - 3.3.2017

Fjallað var um nýja Evrópureglugerð um persónuvernd á morgunverðarfundi í Reykjavík í dag sem Stofnun stjórnsýslufræða og stjórnmála við HÍ og Félag forstöðumanna ríkisstofnana stóðu að í samvinnu við innanríkisráðuneytið og Persónuvernd. Flutt voru erindi um breytingarnar og hvaða kröfur þær gera til stofnana og fyrirtækja.

Lesa meira

Drög að reglugerð um skotelda til umsagnar - 3.3.2017

Drög að reglugerð um skotelda eru nú til umsagnar hjá innanríkisráðuneytinu. Umsagnir má senda ráðuneytinu á netfangið postur@irr.is til 15. mars næstkomandi. Lesa meira

37 sækja um embætti dómara við Landsrétt - 2.3.2017

Umsóknarfrestur um embætti dómara við Landsrétt rann út 28. febrúar og bárust 37 umsóknir um embættin. Landsréttur tekur til starfa 1. janúar 2018 á grundvelli laga um dómstóla nr. 50/2016. Auglýst voru embætti 15 dómara þann 10. febrúar síðastliðinn

Lesa meira

Davíð Þór Björgvinsson settur ríkissaksóknari á ný - 1.3.2017

Dómsmálaráðherra hefur sett Davíð Þór Björgvinsson, prófessor og fyrrverandi dómara við Mannréttindadómstól Evrópu, ríkissaksóknara á ný í Guðmundar- og Geirfinnsmálum. Endurupptökunefnd féllst á endurupptökubeiðnir fimm manna sem sakfelldir voru fyrir aðild að málunum.

Lesa meira

Ný reglugerð um þóknun fyrir vinnu og nám og dagpeninga fanga - 1.3.2017

Sett hefur verið ný reglugerð um þóknun fyrir vinnu, nám og dagpeninga fanga. Tvær megin breytingar eru frá eldri reglugerð, annars vegar að sama gjald er greitt fyrir öll störf fanga og skólasókn og hins vegar er sett þak á fjölda greiddra klukkustunda í viku hverri.

Lesa meira

Skrifað undir samninga við sveitarfélög um ljósleiðarastyrki - 28.2.2017

Fulltrúar fjarskiptasjóðs og 24 sveitarfélaga skrifuðu í dag undir samninga um styrki sjóðsins til sveitarfélaganna vegna ljósleiðaravæðingar þeirra í tengslum við landsátakið Ísland ljóstengt. Jón Gunnarsson, samgöngu- og sveitarstjórnarráðherra, staðfesti einnig samningana með undirskrift sinni og fór athöfnin fram á skrifstofu Sambands íslenskra sveitarfélaga.

Lesa meira

Vinnuhópur um endurskoðun fjármálakafla sveitarstjórnarlaga skilar skýrslu - 28.2.2017

Vinnuhópur sem endurskoðað hefur fjármálakafla sveitarstjórnarlaga sem tóku gildi 2012 hefur skilað skýrslu sinni. Telur hópurinn að krafa um aukinn aga í fjármálum sveitarfélaga sem lögin kveða á um hafi verið í samræmi við væntingar en leggur til nokkrar breytingar litið til skemmri og lengri tíma.

Lesa meira

Ráðherrar ræða samstarf Færeyja og Íslands um útlendingamál - 28.2.2017

Sigríður Á. Andersen dómsmálaráðherra sat um síðustu helgi þemaráðstefnu Vestnorræna ráðsins í Færeyjum. Þar voru jafnréttismál til umræðu, einkum áskoranir sem blasa við körlum í þeim málum.

Lesa meira

Skýrsla um aðlögun flóttafólks og innflytjenda kynnt - 27.2.2017

Kynntar voru niðurstöður skýrslu Alþjóðamálastofnunar Háskóla Íslands um gæði aðlögunar flóttafólks og innflytjenda að íslensku samfélagi á fundi í Reykjavík dag en skýrslan var unnin fyrir innanríkisráðuneyti og velferðarráðuneytið. Þar voru meðal annars kynntir möguleikar á umbótum á málefnum útlendinga og innflytjenda með það í huga að auka samþættingu og skilvirkni stjórnsýslunnar.

Lesa meira

Dómsmálaráðherra heimsótti Landhelgisgæsluna - 27.2.2017

Sigríður Á. Andersen dómsmálaráðherra heimsótti Landhelgisgæslu Íslands á dögunum og fræddist um starfsemi hennar bæði í aðalstöðvunum í Skógarhlíð og hjá flugdeildinni í flugskýlinu á Reykjavíkurflugvelli. Georg Kr. Lárusson, forstjóri Landhelgisgæslunnar, og samstarfsmenn hans tóku á móti ráðherra og fylgdarliði.

Lesa meira

Drög að frumvarpi um refsingar fyrir hópmorð, glæpi gegn mannúð og fleira til umsagnar - 27.2.2017

Drög að frumvarpi til laga um refsingar fyrir hópmorð, glæpi gegn mannúð, stríðsglæpi og glæpi gegn friði eru nú til umsagnar á vef innanríksráðuneytisins. Unnt er að senda ráðuneytinu umsagnir til og með 15. mars næstkomandi og skulu þær sendar á netfangið postur@irr.is.

Lesa meira

Samstarfshópur um netöryggi stofnaður - 23.2.2017

Stofnfundur samstarfshóps um netöryggi var haldinn 20. febrúar í Reykjavík samhliða ráðstefnu um netöryggismál en netöryggisráð sem skipað var á grunni stefnu innanríkisráðherra um net- og upplýsingaöryggi hefur undirbúið stofnun hópsins. Í samstarfshópi um netöryggi sitja fulltrúar ýmissa hagsmunaaðila auk fulltrúa í netöryggisráði.

Lesa meira

Undirritaði yfirlýsingu Evrópuríkja um samgöngur og loftslagsbreytingar - 22.2.2017

Samgönguráðherrar aðildarríkja samgöngunefndar Efnahagsnefndar Sameinuðu þjóðanna fyrir Evrópu, UNECE, fögnuðu 70 ára afmæli nefndarinnar á fundi í Genf í vikunni. Af þessu tilefni undirrituðu ráðherrarnir yfirlýsinguna Embracing the new era for sustainable inland transport and mobility sem fjallar um samgöngur og áherslur í umhverfismálum og umferðaröryggi.

Lesa meira

Dómsmálaráðherra heimsótti Útlendingastofnun - 21.2.2017

Sigríður Á. Andersen dómsmálaráðherra heimsótti Útlendingastofnun í Skógarhlíð í Reykjavík á dögunum og kynnti sér starfsemi hennar. Jafnframt heimsótti hún móttöku- og greiningarmiðstöð fyrir hælisleitendur við Bæjarhraun í Hafnarfirði.

Lesa meira

Niðurstaða styrkúthlutunar vegna verkefnisins Ísland ljóstengt 2017 - 17.2.2017

Eftirtalin 24 sveitarfélög hafa staðfest formlega að þau vilji ganga til samninga við fjarskiptasjóð um ráðstöfun á tilgreindum styrk til lagningar á ljósleiðarakerfum. Stefnt er að undirritun samninga við fyrstu hentugleika.

Lesa meira

Lokað vegna jarðarfarar - 17.2.2017

Innanríkisráðuneytið verður lokað í dag, föstudaginn 17. febrúar, frá klukkan 12.00 vegna jarðarfarar Ólafar Nordal, fyrrverandi innanríkisráðherra.

Drög að reglugerðum um vegabréfsáritanir og um för yfir landamæri til umsagnar - 15.2.2017

Drög að reglugerðum um vegabréfsáritanir og um för yfir landamæri sem settar eru á grundvelli nýrra laga um útlendinga sem tóku gildi 1. janúar síðastliðinn eru nú til umsagnar á vef ráðuneytisins. Unnt er að senda ráðuneytinu umsagnir um drögin til og með 28. febrúar næstkomandi og skulu þær sendar á netfangið postur@irr.is.

Lesa meira

Drög að breyttum reglum um björgunar- og öryggisbúnað íslenskra skipa til umsagnar - 15.2.2017

Drög að breytingum á reglum um björgunar- og öryggisbúnað íslenskra skipa eru nú til umsagnar hjá ráðuneytinu. Unnt er að senda ráðuneytinu umsagnir til og með 28. febrúar næstkomandi og skal senda þær á netfangið postur@irr.is.

Lesa meira

Skipar starfshóp til að kanna framkvæmdir við stofnleiðir og mögulega fjármögnun - 15.2.2017

Jón Gunnarsson, samgöngu- og sveitarstjórnarráðherra, hefur skipað starfshóp til að kanna hvernig hátta megi umfangsmiklum framkvæmdum við stofnleiðir út frá höfuðborgarsvæðinu. Markmið verkefnisins er að bæta stofnleiðir út frá höfuðborginni, bæði Vesturlandsveg og Suðurlandsveg, svo og Reykjanesbraut. Jafnframt er hópnum falið að setja fram tillögur um fjármögnun framkvæmdanna, til dæmis með veggjaldi.

Lesa meira

Drög að reglum um nefnd um eftirlit með störfum lögreglu til umsagnar - 13.2.2017

Drög að reglum um nefnd um eftirlit með störfum lögreglu eru nú til umsagnar hjá ráðuneytinu. Unnt er að senda ráðuneytinu umsagnir til og með 24. febrúar næstkomandi og skal senda þær á netfangið postur@irr.is.

Lesa meira

Einn-einn-tveir dagurinn haldinn í þrettánda sinn - 11.2.2017

Einn-einn-tveir dagurinn var haldinn hátíðlegur í 13. sinn í dag og var dagskrá fjölbreytt og sýnd margs konar tæki og búnaður björgunar- og viðbragðsaðila við Hörpuna í Reykjavík. Sigríður Á. Andersen dómsmálaráðherra flutti ávarp við athöfn þar sem afhent voru verðlaun fyrir eldvarnargetraun og skyndihjálparmaður Rauða krossins var útnefndur sem er Unnur Lísa Schram.

Lesa meira

Fimmtán embætti dómara við Landsrétt auglýst laus til umsóknar - 10.2.2017

Innanríkisráðuneytið auglýsir laus til umsóknar embætti 15 dómara við Landsrétt. Landsréttur tekur til starfa 10. janúar 2018 á grundvelli laga um dómstóla sem samþykkt voru á Alþingi síðastliðið vor. Umsóknarfrestur umembættin er til og með 28. febrúar næstkomandi.

Lesa meira

Drög að reglugerð um fjarstýrð loftför til umsagnar - 10.2.2017

Drög að reglugerð um notkun og starfrækslu fjarstýrðra loftfara (dróna) eru nú til umsagnar hjá innanríkisráðuneytinu. Umsagnir má senda ráðuneytinu á netfangið postur@irr.is til og með 27. febrúar næstkomandi.

Lesa meira

Tíu sóttu um embætti lögreglustjóra á Norðurlandi vestra - 10.2.2017

Tíu umsóknir bárust um embætti lögreglustjóra á Norðurlandi vestra en auglýsing var birt í byrjun janúar. Umsóknarfrestur rann út 25. janúar.

Lesa meira

Drög að lagabreytingum á sviði fjarskipta til umsagnar - 8.2.2017

Drög að breytingum á lögum um fjarskipti, lögum um Póst- og fjarskiptstofnun og lögum um fjarskiptasjóð eru nú til umsagnar. Unnt er að senda ráðuneytinu umsagnir til og með 15. febrúar næstkomandi og skal senda þær á netfangið postur@irr.is.

Lesa meira

Undirbýr átak í uppbyggingu á aðalleiðum út frá Reykjavík - 7.2.2017

Hægt yrði að ráðast í umfangsmikla uppbyggingu á aðal umferðarleiðum út frá höfuðborgarsvæðinu, þ.e. Vesturlandsvegi, Suðurlandsvegi og Reykjanesbraut, ef komið verður á sérstakri gjaldtöku á þessum leiðum sem fjármagna myndi framkvæmdir. Slík gjaldtaka myndi flýta mjög uppbyggingu á þessum leiðum sem yrði annars ekki ráðist í á næstu árum með hefðbundnum framlögum til samgöngumála eins og þau hafa verið.

Lesa meira

Skýrsla um vistun barna á Kópavogshæli 1952-1993 afhent dómsmálaráðherra - 7.2.2017

Svonefnd vistheimilanefnd, sem skipuð var til að kanna starfsemi vist- og meðferðaheimila fyrir börn, skilaði í dag dómsmálaráðherra skýrslu sinni og fjallar hún um vistun barna á Kópavogshæli árin 1952-1993. Áður hafði nefndin skilað skýrslum um Unglingaheimili ríkisins, Upptökuheimili ríkisins, meðferðarheimilin í Smáratúni og á Torfastöðum, um Heyrnleyingjaskólann, vistheimilin Kumbaravog, Reykjahlíð og Silungapoll, skólaheimilið Bjarg, Breiðavíkurheimilið og heimavistarskólann að Jaðri.

Lesa meira

Ræða leiðir til að styrkja sveitarstjórnarstigið - 2.2.2017

Verkefnisstjórn sem hefur það hlutverk að greina sveitarstjórnarstigið og skilgreina tækifæri og leiðir til að styrkja það hefur nú hafið fundaferð þar sem markmiðið er að ræða við og hlusta á sveitarstjórnarmenn um efnið. Fyrsti fundurinn var haldinn í síðustu viku á Hólmavík með fulltrúum sveitarfélaga á Vestfjörðum og nú í vikunni voru fundir á Hvolsvelli og Selfossi með fulltrúum sunnlenskra sveitarfélaga.

Lesa meira

Drög að reglugerð um útlendingamál til umsagnar - 2.2.2017

Drög að reglugerð um útlendingamál sem sett er á grundvelli nýrra laga um útlendinga sem tóku gildi 1. janúar síðastliðinn eru nú til umsagnar á vef ráðuneytisins. Unnt er að senda ráðuneytinu umsagnir um drögin til og með 19. febrúar næstkomandi og skulu þær sendar á netfangið postur@irr.is.

Lesa meira

Ísland ljóstengt 2017 – niðurstaða opnunar styrkbeiðna - 2.2.2017

Fjarskiptasjóður úthlutar styrkjum til sveitarfélaga til ljósleiðaravæðingar í dreifbýli utan markaðssvæða. Í fyrra hlutu 14 sveitarfélög alls 450 milljóna króna styrk til þess að tengja um 1.000 lögheimili og vinnustaði.

Lesa meira

Sigríður Á. Andersen tók þátt í fundi dómsmálaráðherra Evrópuríkja - 27.1.2017

Sigríður Á. Andersen, dómsmálaráðherra, sótti óformlegan fund dóms- og innanríkisráðherra í Valetta á Möltu í gær, 26. janúar, en þar voru málefni tengd hælisleitendum og Schengen ríkjasamstarfinu til umræðu. 

Lesa meira

Sýslumannafélagið fundaði með fulltrúum innanríkisráðuneytis - 27.1.2017

Sýslumannafélag Íslands hélt í dag félagsfund í innanríkisráðuneytinu og sátu hann allir sýslumenn og  fulltrúar nokkurra fleiri aðila. Umfjöllunarefni fundarins voru skipulagsmál embættanna, fjármál og ýmislegt er varðandi samstarf þeirra.

Lesa meira

Samráð ESB um breytingu á tilskipun um samsetta flutninga - 27.1.2017

Framkvæmdastjórn Evrópusambandsins hefur hafið opið samráð um breytingar á tilskipuninni um svokallaða samsetta flutninga frá 7. desember 1992 um setningu sameiginlegra reglna fyrir tilteknar tegundir vöruflutninga milli aðildarríkja. Samráðið stendur til 23. apríl 2017.

Lesa meira

Námskeið til undirbúnings prófi til að öðlast réttindi til að vera héraðsdómslögmaður - 27.1.2017

Prófnefnd um próf til að öðlast réttindi til að vera héraðsdómslögmaður, sbr. lög nr. 77/1998 um lögmenn og lög nr. 93/2004, hefur ákveðið að halda námskeið vorið 2017. Prófraunin skiptist í tvo hluta, auk verklegrar prófraunar.

Lesa meira

Drög að breytingum á fjarskiptalögum til umsagnar - 27.1.2017

Drög að frumvarpi um breytingar á lögum um fjarskipti eru nú til umsagnar hjá ráðuneytinu. Tilgangur breytinganna er að styrkja lagastoð til að unnt verði að innleiða ákvæði Evrópureglugerðar um nethlutleysi. Umsagnir má senda ráðuneytinu á netfangið postur@irr.is til og með 6. febrúar næstkomandi.

Lesa meira

Sérstökum byggðastyrk úthlutað til lagningar ljósleiðara - 26.1.2017

Jón Gunnarsson, samgöngu- og sveitarstjórnarráðherra hefur ákveðið með vísan til markmiða byggðaáætlunar og umsagnar stjórnar Byggðastofnunar að verja allt að 100 milljónum króna úr fjárveitingu byggðaáætlunar til að styrkja sérstaklega uppbyggingu ljósleiðarakerfis í strjálbýlum sveitarfélögum. Þessi fjárveiting kemur til viðbótar 450 m.kr. úthlutun fjarskiptasjóðs til verkefnisins Ísland ljóstengt 2017.

Lesa meira

Mislæg gatnamót Krísuvíkurvegar og Reykjanesbrautar og öryggisaðgerðir á Grindavíkurvegi - 25.1.2017

Jón Gunnarsson, samgöngu- og sveitarstjórnarráðherra hefur falið Vegagerðinni að undirbúa útboð vegna mislægra gatnamóta Krísuvíkurvegar og Reykjanesbrautar. Einnig hefur hann óskað eftir tillögum Vegagerðarinnar um öryggisaðgerðir á Grindavíkurvegi.

Lesa meira

Breyting á reglugerð um stærð og þyngd ökutækja til umsagnar - 24.1.2017

Til umsagnar eru nú hjá ráðuneytinu drög að breytingu á reglugerð um stærð og þyngd ökutækja. Unnt er að veita umsagnir um reglugerðardrögin til og með 6. febrúar næstkomandi og skulu þau send á netfangið postur@irr.is.

Lesa meira

Samgöngu- og sveitarstjórnarráðherra á fundi hjá landshlutasamtökum sveitarfélaga - 20.1.2017

Landshlutasamtök sveitarfélaga boðuðu í vikunni fulltrúa stjórnmálaflokka sem sæti eiga á Alþingi til fundar. Jón Gunnarsson, samgöngu- og sveitarstjórnarráðherra, sat fundinn ásamt aðstoðarmanni en af hálfu landshlutasamtakanna sátu fundinn formenn og framkvæmdastjórar. Einnig sátu hann fulltrúar Byggðastofnunar.

Lesa meira

Ólafur E. Jóhannsson ráðinn aðstoðarmaður samgöngu- og sveitarstjórnarráðherra - 19.1.2017

Ólafur E. Jóhannsson hefur verið ráðinn aðstoðarmaður Jóns Gunnarssonar, ráðherra samgöngu- og sveitarstjórnarmála. Ólafur hefur hafið störf í ráðuneytinu.

Lesa meira

Sendiherra Makedóníu ræddi við dómsmálaráðherra - 18.1.2017

Fulltrúar stjórnvalda í Makedóníu áttu í dag fund með Sigríði Á. Andersen dómsmálaráðherra ásamt fulltrúum Útlendingastofnunar og sérfræðingum ráðuneytisins til að ræða aukningu á umsóknum um vernd hér á landi frá makedónískum ríkisborgurum. Fyrr í dag áttu þeir fund með fulltrúum utanríkisráðuneytisins.

Lesa meira

Laufey Rún Ketilsdóttir ráðin aðstoðarmaður dómsmálaráðherra - 18.1.2017

Laufey Rún Ketilsdóttir lögfræðingur hefur verið ráðin aðstoðarmaður Sigríðar Á. Andersen, dómsmálaráðherra. Laufey Rún hefur þegar hafið störf.

Lesa meira

Samið um smíði ferju til siglinga í Landeyjahöfn - 17.1.2017

Skrifað var í dag undir samninga um smíði nýrrar Vestmannaeyjaferju við pólsku skipasmíðastöðina Crist í húsnæði Vegagerðarinnar. Gert er ráð fyrir að ferjan geti hafið siglingar uppúr miðju ári 2018. Undir samninginn skrifuðu fulltrúar skipasmíðastöðvarinnar, Vegagerðarinnar, Vestmannaeyjabæjar, Ríkiskaupa og innanríkisráðuneytis.

Lesa meira

Vigdís Ósk Häsler Sveinsdóttir ráðin aðstoðarmaður samgöngu- og sveitarstjórnarráðherra - 16.1.2017

Vigdís Ósk Häsler Sveinsdóttir lögfræðingur hefur verið ráðin aðstoðarmaður Jóns Gunnarssonar, samgöngu- og sveitarstjórnarráðherra. Vigdís Ósk mun hefja störf á næstu dögum en hún hefur starfað sem lögfræðingur hjá Sambandi íslenskra sveitarfélaga.

Lesa meira

Fulltrúar yfirvalda Tógó og Íslands ræddu um ættleiðingar - 16.1.2017

Innanríkisráðuneytið og Íslensk ættleiðing tóku á dögunum á móti fulltrúum ættleiðingaryfirvalda frá Tógó sem heimsótti Ísland í nokkra daga. Átti sendinefndin fundi með ráðuneytinu, fulltrúa sýslumannsins á höfuðborgarsvæðinu og stjórn og starfsfólki Íslenskrar ættleiðingar.

Lesa meira

Ísland ljóstengt 2017 – niðurstaða A hluta umsóknarferlis - 13.1.2017

Umsóknarferli fjarskiptasjóðs vegna verkefnisins Ísland ljóstengt 2017 sem nú stendur yfir skiptist í A og B hluta. A hlutinn er nokkurs konar forval og er þeim hluta lokið en B hlutinn eru skil á  eiginlegum styrkbeiðnum sem nú fer í hönd.

Lesa meira

Tveir ráðherrar í innanríkisráðuneyti - 11.1.2017

Tveir ráðherrar verða í innanríkisráðuneytinu í nýrri ríkisstjórn Bjarna Benediktssonar sem tók við í dag: Jón Gunnarsson er samgöngu- og sveitarstjórnarráðherra og Sigríður Á. Andersen er dómsmálaráðherra. Eftir ríkisráðsfund á Bessastöðum tóku þau bæði við lyklum að innanríkisráðuneytinu nú síðdegis hjá fráfarandi innanríkisráðherra, Ólöfu Nordal.

Lesa meira

Samið um árangursstjórnun við sýslumann í Vestmannaeyjum - 10.1.2017

Sýslumaðurinn í Vestmannaeyjum og innanríkisráðuneytið hafa gert með sér árangursstjórnunarsamning en tilgangur hans er að festa í sessi ákveðið samskiptaferli milli aðila. Þá á samningurinn að skerpa áherslur um stefnumótun, framkvæmd verkefna, áætlanagerð og leggja grunn að mati á árangri af starfsemi embættisins.

Lesa meira

Drög að reglugerð um mennta- og starfsþróunarsetur lögreglu til umsagnar - 9.1.2017

Til umsagnar eru nú hjá ráðuneytinu drög að reglugerð um mennta- og starfsþróunarsetur lögreglu sem starfrækt er af embætti ríkislögreglustjóra. Unnt er að senda ráðuneytinu umsagnir um drögin til og með 20. janúar næstkomandi og skulu þær sendar á netfangið postur@irr.is.

Lesa meira

Greiðsla húsaleigubóta færist frá Jöfnunarsjóði sveitarfélaga - 5.1.2017

Greiða húsaleigubóta hefur nú færst frá Jöfnunarsjóði sveitarfélaga í samræmi við lög um húsnæðisbætur sem Alþingi samþykkti vorið 2016 og tóku gildi um áramótin. Á sama tíma falla úr gildi lög um húsaleigubætur og hlutverk sveitarfélaganna varðandi stuðning til leigjenda og flyst verkefnið til nýstofnaðrar Greiðslustofu húsnæðisbóta.

Lesa meira