Ættleiðingarnefnd

Ættleiðingarnefnd er skipuð skv. 17. gr.ættleiðingarlaga nr. 130/1999.

Í greinargerð ættleiðingarlaga kemur fram að verksvið nefndarinnar sé að veita sérfræðilega umsögn varðandi umsóknir, sem ráðuneytið óskar álits um, einkum að því er varðar hæfi umsækjenda eða aðstæður þeirra til að ættleiða barn, eftir að lögboðin umsögn viðkomandi barnaverndarnefndar hefur borist ráðuneytinu. Þá er jafnframt tekið fram í greinargerðinni að gert sé ráð fyrir því, að stjórnvaldsreglur verði settar um störf og starfsháttu nefndarinnar. Fela megi henni fleiri verkefni, t.d. að standa fyrir rannsóknum á högum kjörbarna og ýmislegt annað, sem ættleiðingar varðar, svo sem framkvæmd ættleiðingarmála hér á landi og t.d. um ættleiðingar erlendra barna.

Nefndarmenn eru skipaðir til fjögurra ára. Eftirtalin eiga sæti í nefndinni:

Anna Ýr Böðvarsdóttir lögfræðingur, formaður
Varamaður: Edda Símonardóttir

Páll Matthíasson læknir
Varamaður: Unnur Steina Björnsdóttir

Jóhann Loftsson sálfræðingur

Varamaður: Wilhelm Norðfjörð