Innanríkisráðuneytið - Fréttir

Drög að reglugerð um girðingar meðfram vegum til umsagnar

Tue, 15 May 2012 16:00:00 +0000

Til umsagnar eru nú hjá innanríkisráðuneytinu drög að reglugerð um girðingar með vegum. Umsagnafrestur um drögin er til 29. maí næstkomandi og skal senda umsagnir á netfangið postur@irr.is.

Brúðuleikhús í alla 2. bekki grunnskóla

Mon, 14 May 2012 17:29:00 +0000

Verkefnisstjórn innanríkisráðuneytis, mennta- og menningarmálaráðuneytis og velferðarráðuneytis um vitundarvakningu um kynferðislegt ofbeldi gegn börnum hefur undirritað samning við brúðuleikarana Hallveigu Thorlacius og Helgu Arnalds um brúðuleiksýningu í 2. bekk allra grunnskóla á Íslandi.

Sérstakur saksóknari stofnun ársins annað árið í röð

Mon, 14 May 2012 17:16:00 +0000

Stofnanir sem heyra undir innanríkisráðuneytið náðu góðum árangri í valinu stofnun ársins. Kringum 50 þúsund starfsmenn á almennum og opinberum vinnumarkaði tóku þátt. Könnunin er samstarfsverkefni SFR, stéttarfélags í almannaþágu, VR, virðingar og réttlætis og Starfsmannafélag Reykjavíkurborgar var með í ár.

Afhentu Landhelgisgæslunni tvær milljónir króna í þyrlusjóð

Thu, 10 May 2012 18:04:00 +0000

Fulltrúar Ásatrúarfélagsins afhentu í dag Landhelgisgæslunni tveggja milljóna króna framlag í þyrslusjóð sem stofnaður er í tilefni af 40 ára afmæli félagsins. Gjöfin var afhent um borð í varðskipinu Þór sem liggur við Faxagarð í Reykjavíkurhöfn.

Innanríkisráðherra telur drög að nýrri stjórnarskrá ekki ganga nógu langt varðandi lýðræði

Thu, 10 May 2012 17:03:00 +0000

Ögmundur Jónasson innanríkisráðherra flutti setningarávarp á alþjóðlegri ráðstefnu um samfélagsáföll, lýðræði og umbreytingaskeið. Ráðherra sagði að ráðstefnan væri mikilvægt innlegg í þá umræðu sem nú færi fram á Íslandi um lýðræði þar á meðal um ný drög að stjórnarskrá fyrir Ísland. Hann sagði að drög Stjórnlagaráðs væru skref í lýðræðisátt og að ýmsu leyti til framfara en gagnrýndi þau jafnframt.

Átakið hjólað í vinnuna hafið

Wed, 9 May 2012 09:56:00 +0000

Heilsu- og hvatningarátakið hjólað í vinnuna hófst í morgun. Ögmundur Jónasson innanríkisráðherra var meðal þeirra sem fluttu ávarp þegar átakinu var hleypt af stað í Fjölskyldu- og húsdýragarðinum í Laugardal í Reykjavík ásamt Katrínu Jakobsdóttur, mennta- og menningarmálaráðherra, og Svandísi Svavarsdóttur umhverfisráðherra.

Bakgrunnsskoðanir ólögráða einstaklinga verði heimilar

Mon, 7 May 2012 17:35:00 +0000

Innanríkisráðuneytið hefur í bréfi til ríkislögreglustjóra farið þess á leit að embættið hlutist til um að unnt verði að bakgrunnsskoða ólögráða einstaklinga eins fljótt og unnt er. Telur ráðuneytið ekkert því til fyrirstöðu að bakgrunnsskoða ólögráða einstaklinga að því skilyrði uppfylltu að samþykki forráðamanna liggi fyrir eftir atvikum.

Umsóknarfrestur um styrki til verkefna á sviði mannréttindamála að renna út

Mon, 7 May 2012 17:18:00 +0000

Minnt er á að umsóknarfrestur vegna styrkja innanríkisráðuneytisins til mannréttindamála rennur út 8. maí. Styrkja á verkefni og starfsemi sem á einn eða annan hátt styðja við eða stuðla að vernd og virkni mannréttinda.

Samið um 10 ára tilraunaverkefni um eflingu almenningssamgangna

Mon, 7 May 2012 16:07:00 +0000

Fulltrúar Vegagerðarinnar og Samtaka sveitarfélaga á höfuðborgarsvæðinu skrifuðu í dag undir samkomulag um 10 ára tilraunaverkefni um eflingu almenningssamgangna á höfuðborgarsvæðinu. Tilgangur verkefnisins er að tvöfalda hlutdeild almenningssamgangna á höfuðborgarsvæðinu, lækka samgöngukostnað heimila og samfélagsins og stuðla að samdrætti í losun gróðurhúsalofttegunda.

Frekari yfirferð gagna og viðtöl hjá starfshópi um Guðmundar og Geirfinnsmál

Fri, 4 May 2012 15:53:00 +0000

Starfshópur sem innanríkisráðherra skipaði í október 2011 til að fara yfir gögn svonefndra Guðmundar- og Geirfinnsmála hefur skilað ráðherra skýrslu um stöðu verkefnisins og tilhögun á áframhaldandi vinnu. Gert er ráð fyrir að hópurinn skili áfangaskýrslu í nóvember.

Mannréttindastarf verði kortlagt og stefna mótuð

Fri, 4 May 2012 15:42:00 +0000

Ríkisstjórnin samþykkti í morgun tillögu innanríkisráðherra, velferðarráðherra og utanríkisráðherra að settur verði á fót starfshópur þriggja ráðuneyta sem falið verði tvíþætt hlutverk í mannréttindamálum. Annars vegar að kortleggja mannréttindastarf íslenskrar stjórnsýslu og hins vegar að leggja fyrir ríkisstjórnina stefnu um framtíðarskipan Mannréttindadómstóls Evrópu.

Erfið staða hjá sóknum vegna fjárhagsvanda og skerðingar sóknargjalda

Fri, 4 May 2012 15:23:00 +0000

Nefnd sem innanríkisráðherra skipaði síðastliðið sumar til að meta áhrif niðurskurðar fjárveitinga á starfsemi þjóðkirkjunnar og afleiðingar þess að haldið yrði áfram á þeirri braut hefur nú skilað ráðherra skýrslu sinni. Fram kemur í skýrslunni að eftir athuganir á ársreikningum sókna og af lýsingum fulltrúum sóknarnefnda sé óhætt að draga þá ályktun að grunnstoðir í starfsemi safnaða þjóðkirkjunnar séu að hruni komnar vegna fjárhagsvanda.

Hagnaður hjá Isavia á síðasta ári

Fri, 4 May 2012 09:25:00 +0000

Aðalfundur opinbera hlutafélagsins Isavia var haldinn í gær og kom þar meðal annars fram að árið hefði einkennst af breytingum. Umferð um Keflavíkurflugvöll hefði vaxið um 18% frá fyrra ári sem styrkt hefði fjárhag félagsins en rekstur innanlandsflugs væri erfiður meðal annars vegna fjölda flugvalla og fárra farþega.

Atkvæðagreiðsla utan kjörfundar vegna kjörs forseta Íslands

Thu, 3 May 2012 16:17:00 +0000

Innanríkisráðuneytið hefur nú sent sýslumönnum og utanríkisráðuneytinu kjörgögn svo hefja megi atkvæðagreiðslu utan kjörfundar hér á landi og erlendis vegna kjörs forseta Íslands sem fram á að fara 30. júní 2012. Samkvæmt lögum um kosningar til Alþingis skal atkvæðagreiðsla utan kjörfundar hefjast svo fljótt sem kostur er eftir að kjördagur hefur verið auglýstur, þó ekki fyrr en átta vikum fyrir kjördag, sem er laugardagurinn 5. maí 2012.

Innanríkisráðherra ræðumaður á kirkjukvöldi í Sauðárkrókskirkju

Wed, 2 May 2012 12:00:00 +0000

Ögmundur Jónasson innanríkisráðherra var ræðumaður síðastliðið mánudagskvöld á kirkjukvöldi í Sauðárkrókskirkju sem er liður í árlegri sæluviku Skagfirðinga. Á dagskrá kirkjukvöldsins var einnig söngur Kirkjukórs Sauðárkróks og Helga Rós Indriðadóttir söng einsöng við meðleik Helgu Bryndísar Magnúsdóttur.

Auknar öryggiskröfur til köfunar í drögum að nýrri reglugerð

Mon, 30 Apr 2012 11:32:00 +0000

Vegna umfjöllunar síðustu daga um öryggi við köfun og ósk Sportkafarafélags Íslands um endurskoðun laga og reglna um köfun vill innanríkisráðuneytið taka eftirfarandi fram.

Vitundarvakning um kynferðislegt ofbeldi gegn börnum að hefjast

Fri, 27 Apr 2012 14:33:00 +0000

Ögmundur Jónasson innanríkisráðherra, Katrín Jakobsdóttir, mennta- og menningarmálaráðherra, og Guðbjartur Hannesson velferðarráðherra undirrituðu í dag samning til þriggja ára um vitundarvakningu um kynferðislegt ofbeldi gagnvart börnum. Undirritunin fór fram við athöfn í Þjóðmenningarhúsinu í Reykjavík.

Rætt um margar hliðar hatursáróðurs og viðbrögð við honum á morgunverðarfundi

Thu, 26 Apr 2012 17:39:00 +0000

Hatursáróður var umfjöllunarefni fimmta fundarins í fundaröð innanríkisráðuneytisins um mannréttindamál í tengslum við mótun landsáætlunar í mannréttindum. Fjallað var um hatursáróður í víðu samhengi og meðal annars með hliðsjón af samfélagslegri umræðu og athugasemdum alþjóðlegra eftirlitsaðila með mannréttindaskuldbindingum.

Drög að reglugerðarbreytingu um flugáætlanir til umsagnar

Thu, 26 Apr 2012 16:07:00 +0000

Til umsagnar eru nú hjá innanríkisráðuneytinu drög að reglugerð um breytingu á reglugerð nr. 602/2008 um kröfur er varða verklagsreglur og flugáætlanir innan samevrópska loftrýmisins. Umsagnafrestur um drögin er til 8. maí næstkomandi og skal senda umsagnir á netfangið postur@irr.is.

Átján tillögur bárust í samkeppni um hönnun fangelsis á Hólmsheiði

Wed, 25 Apr 2012 13:34:00 +0000

Átján tillögur bárust í samkeppni um hönnun fangelsis á Hólmsheiði í Reykjavík en frestur til að skila tillögum rann út 16. apríl síðastliðinn. Dómnefnd sem skipuð var vegna samkeppninnar kom saman í dag til að hefja mat á tillögunum.

Drög að breytingu á reglugerð um köfun til umsagnar

Wed, 25 Apr 2012 09:12:00 +0000

Til umsagnar eru nú hjá innanríkisráðuneytinu drög að reglugerð til breytinga á reglugerð um köfun nr. 535/2001. Umsagnafrestur um drögin er til 7. maí næstkomandi og skal senda umsagnir á netfangið postur@irr.is.

Framlag ríkisins til flugmála um tveir milljarðar króna á árinu

Tue, 24 Apr 2012 13:31:00 +0000

Mikilvægi innanlandsflugs var efni málþings Samband sveitarfélaga á Austurlandi og Þróunarfélags Austurlands á Egilsstöðum í dag. Ögmundur Jónasson innanríkisráðherra flutti ávarp við upphaf þingsins og sagði að framlag ríkisvaldsins til flugmála á árinu væri rúmir tveir milljarðar króna, mest í rekstur flugvalla en einnig til viðhalds og uppbyggingar og í styrki á nokkrum flugleiðum innanlands.

Styrkir til verkefna á sviði mannréttindamála

Tue, 24 Apr 2012 12:04:00 +0000

Samkvæmt fjárlögum ársins 2012 hefur innanríkisráðuneytið 6,2 milljónir króna til ráðstöfunar fyrir styrki til mannréttindamála. Styrkja á verkefni og starfsemi sem á einn eða annan hátt styðja við eða stuðla að vernd og virkni mannréttinda. Í ár verður sérstök áhersla lögð á að veita styrki til verkefna sem tengjast þeim tilmælum sem fram komu til íslenskra stjórnvalda á vettvangi mannréttindaráðs Sameinuðu þjóðanna í reglubundnu eftirliti með mannréttindum á Íslandi, sem fram fór í Genf 10. október síðastliðinn.

Starfshópur um áratug umferðaröryggis skilar tillögum

Mon, 23 Apr 2012 14:53:00 +0000

Starfshópur sem Ögmundur Jónasson innanríkisráðherra skipaði fyrir ári í verkefni er snúa að áratug umferðaröryggis 2011 til 2020 hefur skilað ráðherra áfangaskýrslu. Hópurinn fékk það verkefni að leggja fram tillögur varðandi umferðaröryggi í tengslum við heimsátak Sameinuðu þjóðanna í umferðaröryggismálum og standa á til ársins 2020.

Mikilvægt að tryggja að Mannréttindadómstóll Evrópu geti sinnt hlutverki sínu

Fri, 20 Apr 2012 17:27:00 +0000

Framtíð og áskoranir í starfsemi Mannréttindadómstóls Evrópu eru til umræðu á fundi dómsmálaráðherra ríkja Evrópuráðsins sem stendur nú yfir í Brighton á Englandi. Ögmundur Jónasson innanríkisráðherra situr fundinn sem Kenneth Clarke, dómsmálaráðherra Breta, stýrir en Bretar sinna nú formennsku í ráðherraráði Evrópuráðsins.

Undirbúningur forsetakosninga í fullum gangi

Fri, 20 Apr 2012 16:47:00 +0000

Undirbúningur fyrir forsetakosningarnar sem fram fara 30. júní næstkomandi stendur nú yfir í innanríkisráðuneytinu. Fulltrúar ráðuneytisins, formenn yfirkjörstjórna, fulltrúar sýslumanna, landskjörstjórnar og ráðgjafar sátu nýverið á fundi í ráðuneytinu þar sem farið var yfir helstu þætti undirbúningsins.

Rætt um hatursáróður á morgunverðarfundi

Fri, 20 Apr 2012 10:43:00 +0000

Hatursáróður verður umfjöllunarefni fimmta fundarins í fundaröð innanríkisráðuneytisins um mannréttindamál í tengslum við mótun landsáætlunar í mannréttindum. Fundurinn verður haldinn í Iðnó í Reykjavík fimmtudaginn 26. apríl klukkan 8.30 til 10.30.

Óskað umsagna um ný viðmið um aðgengi fyrir blinda, sjónskerta o.fl. að opinberum vefjum

Wed, 18 Apr 2012 11:48:00 +0000

Innanríkisráðuneytið óskar umsagna við tillögu þess efnis að ný viðmið taki gildi til að tryggja aðgengi að opinberum vefjum, m.a. fyrir blinda, sjónskerta og aðra sem þurfa að nota hjálpartæki við lestur efnis og notkun vefja. Í tillögunni, sem fylgir nýjum viðmiðum alþjóðlegu staðlasamtakanna W3C og kallast WCAG 2.0, er lagt til að innleiðingu viðmiðanna hér á landi ljúki fyrir árslok 2016.

Fagnað 25 ára afmæli Flugstöðvar Leifs Eiríkssonar

Sat, 14 Apr 2012 12:25:00 +0000

Liðin eru 25 ár í dag frá því Flugstöð Leifs Eiríkssonar á Keflavíkurflugvelli var vígð og var afmælinu fagnað í gær. Meðal gesta voru ýmsir fyrrverandi og núverandi forráðamenn stöðvarinnar og Ögmundur Jónasson innanríkisráðherra sem flutti ávarp í hófinu.

Starfshópur um Guðmundar- og Geirfinnsmál skilar stöðuskýrslu í apríl

Thu, 12 Apr 2012 18:18:00 +0000

Starfshópi um Guðmundar- og Geirfinnsmál, sem innanríkisráðherra skipaði í október á síðasta ári, hefur verið veittur frestur til að skila áfangaskýrslu. Gert var ráð fyrir að hún lægi fyrir nú í aprílmánuði.