Hoppa yfir valmynd
24. september 2014 Dómsmálaráðuneytið

Reglugerð um flýtimeðferð hælisumsókna gefin út

Innanríkisráðherra hefur skrifað undir reglugerð um hvaða skilyrði geta verið fyrir sérstakri málsmeðferð umsækjenda um hæli hér á landi, svokallaða flýtimeðferð. Í flýtimeðferð felst að ekki er talin þörf á fullri efnismeðferð umsóknar um hæli, afgreiðslu umsóknar er forgangsraðað á undan öðrum umsóknum og/eða frestir í málsmeðferðinni eru styttri en þegar mál hljóta fulla efnismeðferð, svo sem vegna gagnaöflunar.

Nokkur skilyrði eru tilgreind í reglugerðinni fyrir því að mál geti sætt flýtimeðferð. Þau eru meðal annarra þessi og eru þau útskýrð nánar í 3. til 8. grein reglugerðarinnar:

  • Þegar líkur eru á samþykki umsóknar.
  • Þegar sérstakar ástæður er varða umsækjanda mæla með því.
  • Þegar umsókn um hæli er bersýnilega tilhæfulaus.
  • Þegar umsækjandi um hæli gefur ófullkomnar eða misvísandi upplýsingar
    eða þegar þær upplýsingar gefa ekki tilefni til að ætla
    að ákvæði 44. gr. útlendingalaga eigi við.
  • Þegar um endurtekna umsókn er að ræða eftir synjun hælisumsóknar
    eða þegar umsókn hefur verið dregin til baka.
  • Þegar víst má telja að umsókn um hæli sé lögð fram
    í því skyni að tefja framkvæ
    md ákvörðunar um brottvísun.

Reglugerðin er sett með heimild í 4. mgr. 50. gr. d í lögum um útlendinga, nr. 96/2002, með síðari breytingum. Hún hefur verið birt í Stjórnartíðindum og öðlast þegar gildi.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum