Hoppa yfir valmynd
27. febrúar 2014 Dómsmálaráðuneytið

Kjördagur sveitarstjórnarkosninga 31. maí auglýstur

Innanríkisráðuneytið hefur auglýst formlega kjördag sveitarstjórnarkosninganna í vor og er hann ákveðinn laugardaginn 31. maí næstkomandi. Þá hefur kosningavefur ráðuneytisins, kosning.is, verið uppfærður og verða þar birtar hvers kyns fréttir og tilkynningar er varða kosningarnar. Einnig eru almennar upplýsingar á nokkrum erlendum tungumálum.

Hér að neðan má sjá auglýsingu um sveitarstjórnarkosningarnar:

Sveitarstjórnarkosningar 2014

       Á grundvelli 1. mgr. 1. gr. laga um kosningar til sveitarstjórna nr. 5/1998, með síðari breytingum, fara almennar sveitarstjórnarkosningar fram 31. maí 2014.

       Frestur til að skila framboðslistum til yfirkjörstjórnar í viðkomandi sveitarfélagi er til kl. 12 á hádegi laugardaginn 10. maí 2014. Sveitarstjórnarmenn sem hyggjast skorast undan endurkjöri skulu tilkynna þá ákvörðun til yfirkjörstjórnar fyrir lok framboðsfrests.

       Utankjörfundaratkvæðagreiðsla hefst 5. apríl 2014.

       Þetta auglýsist hér með samkvæmt 2. mgr. 1. gr. framangreindra laga.

Innanríkisráðuneytinu, 27. febrúar 2014.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum